Santiniketan (Friðarathvarfið), 160 km norðan Kalkutta, stofnaði fræga bengalska skáldið Rabindranath Tagore (1861-1941; Bókmenntaverðlaun Nóbels 1913).  Hann ort ljóðin við þjóðsöng Indlands og Bangladesh og stofnaði utanþjóðkirkjuháskólann Visva-Bharati, sem er nú fremstur á sviði indverskra listfræða og með sérstakri deild fyrir kínverska list.

Persónulegir munir, handrit og málverk Tagore eru til sýnis í Uttaravan-álmunni.  Bezt er að heimsækja Santiniketan, þegar vorhátíðin Vasantotsav stendur yfir (oftast í marz) eða þegar Paus Melavörusýningin er haldin um jólaleytið.  Gisting er boðin í smáhýsum West Bengal Tourism Developement Corporation og í gestahýsum háskólans.

Eitt fegursta hindúahof Indlands úr tígulsteini og brenndum leir er í Bishnupur, u.þ.b. 150 km norðvestan Kalkutta.

Beztu baðstrendur Vestur-Bengal eru í Digha, vestan ósa Hugli við Bengalflóa (við landamæri nágrannafylkisins Orissa).  Rútuferð þangað frá Kalkutta tekur u.þ.b. 6 klst. (250 km).

Darjiling (Darjeeling) er nyrzt í Vestur-Bengal.