Bali er vestust Litlu Sundaeyja.  Hún er þekktust meðal ferðamanna (South Pacific).  Hún er 5.561 km² með u.þ.b. 2,5 miljónir íbúa og hefur myndast við eldgos.  Frjósamur jarðvegurinn á Bali gerir bændum kleift að skera upp hrísgrjón þrisvar á ári.  Hin einstæðu einkenni Bali hafa löngum hrifið ferðamenn.  Hindúatrú hefur hér yfirhöndina gagnvart islam.  Hrísgrjónaakrar eru upp um allar hlíðar.  Á eyjunni eru á þriðja þúsund hof, helgidómar og grafasvæði, litríkir markaðir, góðar bað-strendur, eldfjöll, hellar, fagrir útskornir munir úr tré og steini, fjölskrúðugur hitabeltisgróður og hinir frægu hofdansar draga til sín hundruð þúsunda ferðamanna alls staðar að úr heiminum ár hvert.  Hinn 12 október 2002 sprengdu hryðjuverkasamtökin al Kaida öfluga sprengju fyrir framan skemmti- og veitingastað og ollu dauða og örkuml fjölda ferðamanna, aðallega Ástrala.