Celebes eða Sulawesi er 189.216 km².  Út frá dölum skornu miðbiki eyjarinnar, sem er úr kristölluðu bergi, teygjast fjórir skagar til hafs.  Þeir, sem liggja til austurs, enda  í smáeyjum, sem brotnað hafa eða veðrast frá megineyjunni.  Norður- og austurstrendurnar eru þverhníptar í sjó fram og aðdýpi mikið.  Fjallgarðar á norðurhlutanum eru allt að 2.443 m háir og á suðurhlutanum 3.455 m.  Á milli þeirra er órofinn regnskógur. Á ströndum suðurhlutans eru víðáttumiklir fenjaskógar.

Helztu verzlunarborgir Sulawesi eru Ujung Pandang í suðvesturhlutanum og Nanado fyrir norðan.  Helztu landbúnaðarafurðirnar eru hrísgrjón, kókoshnetur og tóbak.  Talsvert er um skógarhögg og nikkel- og tinnám.