|
 Denpasar
er höfuðborg Bali. *Balisafnið
var byggt árið 1932 í stíl Balihallar.
Nálægt safninu er Pura Nagatnatha-hofið, helgað gyðjunni
Sanghyang Widi. í hofinu
eru tákn sköpunarinnar - skjald-bakan og Nagadrekinn.
Í útjaðri borgarinnar er handiðnaðar og listaverkamiðstöðin
Abian Kapas, þar sem einnig er hægt að kynnast hefðbundnum balískum
þjóðsögum og dönsum. Það
er iðandi líf og fjör á mörkuðum borgarinnar á kvöldin, þegar fólk
úr öllum heimshornum hittist.
Sjö
km suðaustan Denpasar er
sjóbaðstaðurinn *Sanur í fögru umhverfi. Þar eru nokkur beztu hótela Bali.
Tíu
km sunnan Denpasar, skammt frá alþjóðaflugvellinum, er hin langa hvíta
sandströnd heilsubótarstaðarins Kuta, sem þekktur er fyrir þægilegt
andrúmsloft.
Þrjátíu
km sunnan Denpasar, á Duaskaganum, er nýr orlofsstaður með öllum
hugsanlegum þægindum (lúxusstrandhótel o.fl.).
Við
Tanah Lot, 23 km frá Denpasar, má sjá stærsta sjávarhof Bali.
Það var byggt á 16. öld á kletti, sem öldurnar leika um.
Í neðansjávarhellum klettsins búa sjóslöngur, sem eru
heilagar og vernda hofið gegn aðskotaverum og illum öndum.
Berzt er að fara í hofið kl. 17:00 (á fjöru).
Frá
Denpasar til Penulisan:
Haldið
er til norðausturs frá Denpasar og eftir 10 km birtist myndskurðar-
og myndhöggvaraþorpið Batubulan.
Þremur
km lengra í norðvestur er Dluk, miðstöð gull- og silfursmiða.
Átta km norðar er þorpið Mas, þar sem tréskurðarmenn skera
m.a. út listavelgerðar grímur.
Fjórum
km norðar er þorpið Ubud, þar sem er vagga fegursta dansins á Bali,
legong. Nú er Ubud þorp málar-anna.
Í galleríinu Puri Lukisan eru verk nemenda þýzka málarans
Walters Spies, sem talinn er upphafsmaður nútímamálaralistar á
Bali.
Miðja
vegu milli Ubud og Mas eer sveigt til austurs til Beduke. þar í grennd er *Goa Gaja fíalhellirinn með veggristum frá
fyrri hluta 11.aldar. Hann
fannst 1923. Yfir
hellisopinu er púkahaus með einni styttu til hvorrar handar.
Inni er Ganesha-stytta. Við
uppgröft, rétt við hellinn, fannst baðstaður, skreyttur sex gyðjustyttum,
líklega úr hindúatrú.
Skammt
ofan Bedulu í Pura Penatoran Sasih-hofinu í Pejeng, er ein stærsta
ketiltromma heims geymd. *Hljóðfærið,
sem kallað er "Pejangmáninn", er 160 sm í þvermál og er líkast
til frá dögum Dong-Son-ættarinnar, sem uppi var á 3.öld f.Kr.
Sé
ekið frá Bedulu upp suðvesturhlíðar Eldfjallsins, tekur þorpið
Tampahsiring við eftir 10 km. Þar
er að finna einhver athyglisverðustu klettahof og grafir í Sa-Asíu
í *Gunung Kawi. Við
Tampahsiring er líka hið >1000 ára gamla hof Pura Tirta Empul, sem
var bygg yfir heilaga lind, sem margir reyna að sækja heilsu, heilbrigði
og auð til.
Frá
Tampahsiring liggur 20 km leið upp í mót til Penelokan á gígbarmi *eldfjallsins
Batur. Þaðan er frábært
útsýni yfir gíginn, Baturvatn og til næsta hluta fjallsins (1.717
m). Nýjustu hraunin eru frá
gosunum 1917 og 1926, þegar þúsundir fórust og fjöldi húsa og hofa
grófust undir hrauni eða eyðilögðust.
Íbúar Penelokan hófu fyrir nokkrum árum byggingu nýs hofs,
Pura Batur, á hæð í nágrenninu.
Lágmyndir í Wayang-stíl skreyta inngang þess.
Innri hofhurðin, Paduraksa, er í stíl Mayapahittímans.
Frá
Penelokan liggur leiðin niður að Baturvatni, þar sem hægt er að
leigja báta til þorps-ins *Trunyan á austurbakkanum. Þar búa enn þá hinir íhaldssömu Baliagar, sem segjast
vera frum-byggjar eyjarinnar. Í
Trunyan er stærsta stytta Bali - Ratu Geda Pancering Jagat.
Sjö
km norðvestan Penelokan er þorpið Kintamani, þar sem nokkrir ferðamenn
geta fengið gistingu. Nokkrum
km lengra, við Penulisan í 1.745 m hæð, er Pura Tegen Koripan, hæst
liggjandi hof eyjarinnar. Þar
eru >500 ára gamlar steinstyttur.
Einkum er gaman að heimsækja það, þegar hofhátíðir fara
fram.
Í
bakaleiðinni er frá Penulisan til Denpasar er hægt að koma við í
Bangli, sem er við suðurhlíðar eldfjallsins Batur.
þar er *Pura kehen, næststærsta hof Bali, sem rís á þremur
stöllum. Einkum bera þar
af listaverk úr tré og steini.
Frá
Denpasar til Karangasem:
Ekið
er til norðausturs, 30 km, til klunkung, þar sem er gamla dómshúsið
*Kerta Gosa (Bale Kambang = fljótandi höll frá 18.öld), fyrrum hæstiréttur
Bali.
Tveimur
km sunnan Klunkun er þorpið Kamasan, sem þekkt er venga listmálaranna,
sem hafa sérhæft sig í sígildum stíl Makabharata og Ramayana.
Tuttugu
km norðan Klungkung, við suðvesturhlíðar eldfjallsins heilaga -
Gunung Agung (3.152 m), er *Pura Besakih, helgasta hof Bali. það er >1000 ára og í því er fjöldi altara frá
mis-munandi tímum, helgidómar og dýrmætar styttur.
Hofshátiðirnar eru athyglisverðar.
Samkvæmt áletrun var erfi Mahendradatta drottningar drukkið þar
árið 1007. Eldgosið 1963
ógnaði hofinu, sem skemmdist í jarðskjálftum, sem riðu yfir.
35
km austan Klungkung, skammt frá austasta tanga Bali, er þorpið
Karagasem (Aulapura), sem var eitt sinn höfuðaðsetur ríkasta
drottnara Bali. eldgosið
1963 skemmdi það mjög. Helzut
skoðunarstaðir eru furstasetrið Puri Kanginan og vatnshöllin Istana
Air Tirta Gangga, báðar byggðar á 20.öld.
Hægt
er að koma við í þorpinu Iseh í bakaleið.
þar bjó þýzki málarinn Walter Spies
Frá
Denpasar til Singaraja:
Tíu km norðvestan Denpasar er þorpið
Kapal. Þar er hofið *Pura
Prasada (16.öld), sem skemmdist í jarðskjálftum árið 1917 en var
endurbyggt 1950. Það var
upprunalega reist af einum fursta Ostjavaníska Majapahit-ríkisins.
Hofhurðin er tákn ófullkomleikans og andstæðna alls í lífinu.
Í hofgarðinum eru 64 hásæti úr steini til minningar um
fallna vini og trúnaðarmenn furstans.
Þorpið
Mengwi er 4 km lengra. þar
er hofið stóra *Pura Taman Ayun frá 17.öld.
Þrír aðalguðir þess eru hindúagyðjan Siva, Visna og Brama. Í umhverfi Mengwi finnast minjar frá síð-steinöld.
Við
Sangeh, 10 norðaustan Mengwi, er 10 ha helgur skógur með múskathnetutrjám
og heilögum öpum.
Þrjátíu
km norðar og ofan við Mengwi er orlofsþorpið Bedugul við gígvatnið
Bratan, þar sem stendur Balihof og búddahof.
Handan skarðsins hlykkjast vegurinn niður að Balivatni á
norðurströndinni. þar er
héraðs-höfuðstaðurinn Singaraja umkringd hrísgrjónaökrum,
lindahof og hús í hefðbundnum, kínverskum stíl. |
