|
 Íbúafjöldi
höfuðborgarinnar er nálægt 7 milljónum (1998). Borgin liggur vel við samgöngum
við Sundasund. Hollendingurinn
jan Pieterzoon Coen stofnaði hana á 16. öld undir nafninu Batavía.
Hann var yfirlandstjóri Hollenzka Austurindíafélagsins.
Í Jakarta eru helztu stjórnarstofnanir, bankar, verzlunar- og
flutningafyrirtæki, háskóli og fleiri menntastofnanir og þar situr
katólskur biskup. Höfnin,
tanjung Priok, er hin stærsta í landinu og sama er að segja um
nýbyggða flugstöð, Cengdareng, sem opnuð var 1. apríl 1985 vestan
borgarinnar.
Gamli
borgarhlutinn var reistur að hollenzkri fyrirmynd með mörgum síkjum
og skurðum. Í tímans rás
hefur borgin þanizt út yfir mýrlend svæði í suðurátt.
Nýi miðbærinn, Medan Merdeka, er nýtízkulegur.
þar er forsetahöllin, nokkur ráðuneyti, bankar, hótel og aðalbrautarstöðin.
Þar stendur *Monas-einsteiningurinn (þjóðarminnismerkið)
með gullnum eldtungum á toppi og sést víða að.
Tengt því er lítið safn.
Við norðvestanvert torgið er Merdekahöllin (Istana
Merdeka), stjórnarsetur forsetans, áður bústaður hollenzku aðallandstjóranna.
Höllin er ekki opin almenningi til skoðunar og fólk verður að
halda sig í hæfilegri fjarlægð.
Skammt frá forsetahöllinni, við Jalan Merdeka Barat, er
**Þjóðminjasafnið,
Gedung Gajah (Fílabyggingin), sem J.M.C. Rademacher stofnaði 1778.
Húsið fékk nafn sitt af steinfíl, sem tælenzki konungurinn
Chulalongkorn ánafnaði henni. Í safninu eru frábær listaverk, s.s. hindú-java
steinlistarverk og bronzmyndir frá 5. - 14. aldar, þjóðfræðilegar
minjar allra veigamestu menningarsamfélaga indónesísku eyjanna,
leirmunir frá meginlandinu, m.a. frá tímum kínversku Sungættarinnar,
lítið safn fornsögulegra minja auk alls kyns skrautgripa úr gulli,
silfri og eðalsteinum. Í
gjaldmiðilsdeild safnsins eru peningar frá öllum heimshornum, þ.á.m.
taupeningar, sem voru notaðir á ýmsum eyjanna þar til fyrir nokkrum
ára-tugum. Suðaustan þjóðminjasafnsins
er gamla ráðhúsið frá 1710, sem herinn hefur nú til afnota.
Norðaustan Medan Mereka er hin risavaxna '*Istiqlal moska
(þjóðarmoskan) og katólska dóm-kirkjan, sem reist var við annað aðaltrog
borgarinnar, Banteng, um síðustu aldamót. Á torginu stendur minnismerki um frelsun Vestur-Irians (Gíneu)
frá nýlendukúgurunum. Lengra
í sömu átt, í grennd við utanríkisráðuneytið, er lúxushótelið
Borobudur. Norðan þjóðarmoskunnar
er stórt markaðssvæði, *Pasar Baru, sem gaman er að
skoða
Í
gamla miðbænum, Kota, er *Jakartasafnið, Taman Fatahillah, í
endurnýjuðu hollenzku nýlenduhúsi frá 1627.
þar er að finna ýmsa gripi frá Batavíu, höfuðborg nýlendutímans
Í
Wayangsafninu, aðeins
austar, er að finna mikið safn leður- og trébrúða frá flestum löndum
Sa-Asíu. Hvern
sunnudagsmorgun ferð þar fram ekta indónesískt brúðuleikhús,
Wayang Kulit.
Niðri
við Jakartaflóann eru rústir Batavíuvirkisins, nokkur endurnýjuð nýlenduhús,
vöru-hús gamla Hollenzka-Vesturindíafélagsins og sjóferðasafn.
Gaman er að skoða *fiskmarkaðinn, Pasar Ikan, og *seglbátahöfnina,
Kali Baru, þar sem enn þá má sjá marga "Bugis", sem eru
notaðir til siglinga milli Jakarta og Sulawesi (Selebes).
Fyrir
miðjum botni flóans er Taman Impian Haya Ancol, stór skemmtigarður
meða list-munamarkaði, sædýrasafni, bátahöfn, sundlaugum, næturklúbbum,
nuddstofum, veitingahúsum o.fl.
U.þ.b.
40 km norðaustan Jakarta eru *Seribueyjar (Þúsundeyjar) með fögrum
pálma-ströndum og köfunarmöguleikum milli kóralrifja, sem iða af lífi.
Þangað kemst fólk með leigu-bátum frá Tanjung Priok eða
Kali Baru. Litlar flugvélar
geta lent á eyjunni Panjan. |
