Medan, með u.þ.b. 1,5 milljónir íbúa, er á norðvestanverðri Súmötru.  Hún er miðstöð hrágúmmíviðskipta, eins og sjá má af risagúmmíplantekrum umhverfis hana.  Þar eru stór moska og endurbyggð fursta-höll.  Medan er einkum viðkomustaður þeirra, sem hyggj á ferðalög til annarra staða á norðanverðri eyjunni.  Skammt norðan Medan er höfnin Belawan, sem ferjur frá Penang (Malasía) og Singapúr sigla reglulega til.  Sunnan Medan er heilsubótarstaðurinn *Berastagi uppi í fjöllum.  Áttatíu km vestan Medan er náttúruverndarsvæðið 'Lankat, sem hefur m.a. verið verndarsvæði fyrir orang utan síðan 1973, en skógarmaðurinn hefur verið í útrýmingarhættu á Súmötru.  Fá verður sérstakt leyfi yfirvalda í medan eða Bukit Lawang til að heimsækja það.