Seram (fyrrum Ceram; 17.148 km²) er næststærst Mólúkkueyjanna í Austur-Indónesíu, vestan Nýju-Gíneu.  Eyjan er líka kölluð Seran eða Serang.  Aðalhafnarbær hennar er Masohi.  Um hana liggur fjallaröðull, allt að 3019 m hár í Binaivi-fjalli.  Eyjan er 340 km löng og 60 km breið.  Inni á henni er þéttur regnskógur og hún er að mestu ókönnuð.  Helztu framleiðsluvörur íbúanna eru kókoskjarnar, trjákvoða, sagógrjón og fiskur.  Olíulindir við Bula í norðausturhlutanum eru nýttar.  Portúgalskir trúboðar störfuðu á eyjunni á 16. öld.  Hollenzkir verzlunarstaðir voru stofnaðir á eyjunni snemma á 17. öld og árið 1650 lýstu Hollendingar yfir takmörkuðum yfirráðum.