Flórens, höfuðborg Toscana er í 50 m hæð yfir sjó með u.þ.b. 470.000 íbúa.

Borgin er aðsetur háskóla og erkibiskups.  Hún er oft nefnd 'La Bella' og stendur á báðum bökkum árinnar Arno, umlukin Neðri-Appennínafjöllunum.  Þegar Rómverjar lögðu Ítalíu undir sig, var Flórens miðstöð menningar í landinu og allt fram á miðaldir.  Hún var miðstöð þróunar ítalskrar tungu og bókmennta (Dante, Boccaccio, Petrarca) og þar blómstraði ítölsk list.  Hinn ótrúlegi fjöldi listaverka á jafnlitlu svæði gerir Flórens að einni fjölsóttustu borg veraldar.

Flórens er lítið getið á meðan hún var á valdi etrúska og Rómverja.  Í upphafi 12. aldar varð hún að mikilvægustu borg Mið-Ítalíu fyrir velgengni í stríðum og ullar- og silkiiðnað, þrátt fyrir að ríkjandi aðalsættir, Gnelfen og Glubel, ættu í deilum, sem veiktu stöðu borgarinnar.  Iðnaðarmanna-gildin, sem mynduðu ríkisstjórn 1282, efldu stöðu Flórens.  Forystumenn þeirra (priori) urðu forsprakkar ríkisstjórnar sem 'Signoria'.  Árið 1434 komst hin ríka kaupmannsætt 'Medici' til valda og upphófst þá mesta blómaskeiðið.  Flórens varð miðstöð lista og vísinda.  Árið 1494 hrakti yfir-bótapredikarinn Girolamo Savonarola Mediciættina frá völdum.  Hann var brenndur fyrir galdra árið 1498.  Mediciættin komst aftur til valda með aðstoð spænsks hers árið 1512 en hvarf aftur 1527.  Þegar Karl V náði Flórens undir sig 1530, gerði hann Alessandro af Medici að erfðahertoga (myrtur 1537).  Eftirmaður hans, Cosimo I, varð erkihertogi Toscana 1569.  Eftir að Mediciættin dó út varð landið að ríkisléni, sem leigt var Lotringenættinni, sem sat að völdum til 1860, að frá-dregnum Napóleonsárunum 1801-1814.  Þá sameinaðist Toscana hinni nýju Ítalíu og Flórens lifði nýtt blómaskeið.

Skoðunarverðir staðir
Fortezza da Basso.  Dæmigert borgarvirki frá 14. öld.  Hluti eldri borgarmúra, sem voru rifnir til að mynda hringbraut um bæinn, voru reistir 1534-35.  Innan múra eru jafngamlar bygging-ar auk nýrra.  List- og aðrar sýningar árlega.

Þinghúsið við hlið aðalbrautarstöðvarinnar.

Dómkirkjan, Santa Maria Del Fiore, nefnd eftir liljunni, sem er í skjaldarmerki Flórens.  Gotnest bygging, sem hófst 1296 (Arnolfo di Cambio).  Áframhaldið eftir 1357 annaðist Francesco Talenti og kirkjan var vígð 1436.  Kúpullinn er frá 1420-34, meistaraverk Filippo Brunelleschi.  Forhliðin er frá 1875-87.

San Maria Novella, Dóminikanakirkja frá 1278-1350.  Byggð í gotneskum stíl.  Forhliðin er lögð marmara í endurreisnarstíl.  Í kór eru freskur eftir Ghirlandaio.  Við vinstri hlið kirkjunnar er inngangur í bogagöngin Chiostri Monumentali.

Babtisterium.  Átthyrnd kúlubygging, sem var reist yfir rústir frá rómverskum tíma á 11.-13.öld.  Endurnýjuð með marmara.  Þrjár hurðir gylltar og með lágmyndum (1330-1452).  Inni er mósaík frá 13. og 14.öld.

Loggia Dei Lanzi er klassísk bygging frá 1376-83.  Áður notuð við opinberar athafnir í borginni.  Styttur dygðanna eftir Agnolo Gaddi frá 1384-89 voru gerðar að ósk 'Signoria', sem var á fallanda fæti.  Tvö skjaldarmerkisljón gæta inngangsins, annað frá klassíska tímanum, hitt frá 14.öld.

Or San Michel frá 1284-91. Varð kornmarkaður.  Endurbyggð 1337-1404.

Palazzo Vecchio, ráðhúsið frá 1298-1314.  Byggð fyrir Signoria.  Bætt við það að aftan-verðu á 16. öld.  Vinstra megin við inngang er nútímaútgáfa af 'Davíð' eftir Michelanglo.  Í skraut-legum forgarðinum er endurgerð mynd af frummyndinni, sem er á annarri hæð, af 'drengnum með fiskinn' eftir Andrea del Verroccho.

Galleria Degli Ufizzi (lokað á mánudögum)  Byggt 1560-74, fyrst sem stjórnsýsluhús og er núna málverkasafn með 4.500 myndum.  700 myndir eru sýndar hverju sinni og ná ævinlega yfir þróun flórenskrar menningar auk feneyskrar á svið málaralistar (+hollenzkrar og þýzkrar).

Ponte Vecchio.  Elzta brú borgarinnar (endurnýjuð 1345).  Gullsmiðabúðir á brúnni.

Piazza Pitti.

Forte di Belvedere.

Piazza Michelangelo.  Útsýni.  Stytta af Davíð auk nokkurra annara eftir Michelangelo.  Lítil kirkja, Salvatore al Monte (cronaca 1495).  Inni endurreisnarstíll.  Kláruð á 16. öld.

Campanile.  82 m hár klukkuturn frá 14. öld.  Litskrúðug marmaraklæðning.  Einn fegursti gotneski klukkuturn Ítalíu.  Gott útsýni.  Styttur eftir Donatello og hjálparmann hans Rosso o.fl. frá 1420.

Palazzo Strozzi.  Glansdæmi flórenskrar kastalalistar frá 1489-1536.  Arkitekt Bernadetto Maiano og Cronaca.  Var í viðgerð 1988.

San Lorenzo, elzta kirkja Flórenzs að upplagi utan borgarmúra.  Byggð fyrst 393 af hl. Ambrosíusi.  Endurreist á 11.öld.  Mediciættin lauk byggingunni.  Latnesk krosskirkja.  Líklega lagði Leonardo da Vinci hönd á plóginn 1472, þegar hann var tvítugur.