Ischia er 46 km² eldfjallaeyja nyrzt í Napólíflóa með 40.000 íbúa.  Hið gríska nafn eyjarinnar var 'Pithekusa' en Rómverjar nefndu hana Aenaria.  Á 9.öld hét hún Iscla.  Á henni eru nokkur þorp og kastali frá 1450 í 91 m hæð yfir sjó.  Gróður er mikill, margir ávaxtagarðar, vínrækt, fura.  Þar er líka að finna geislavirkar lindir, sem eru notaðar til lækninga gigtarsjúklinga.  Hæsti punkturinn er á miðri eyjunni,  Monte Epomeo, 789 m.  Þar gaus síðast árið 1302.