Messína, hafnarborg á norðaustanverðri Sikiley við Messínasund, er höfuðborg samnefnds héraðs.  Helztu framleiðsluvörur hennar eru matvæli, silki, muslín, hördúkur og efnavörur.  Messínaháskóli var stofnaður árið1548.  Grikkir stofnuðu borgina á 8. öld f.Kr.  Herseta Rómverja árið 264 f.Kr. olli fyrstu púnversku styrjöldinni milli þeirra og Karþagó.  Eftir hernám sarasena á 9. öld og síðar normana á 11. öld réðu ýmsir borginni.  Borgin var endurbyggð eftir jarðskjálfta árið 1908.  Í þessum náttúruhamförum fórust u.þ.b. 70.000 manns.