Sardinia er 24.000 km² og strandlengjan 760 km löng.  Hún er næststærst Miðjarðarhafseyjanna.  Mjótt Bonifaciosundið skilur á milli hennar og Korsíku (frönsk).  Sardinia hefur heimastjórn.  Á eyjunni eru fjórar sýslur:  Cagliari, Nuoro, Oristano og Sassari.  Malaríu gætti mjög fram á 20.öld.  Flestir íbúanna búa á frjósamri strandlengjunni.  Sumur eru þurrt og hlý, en vetur úrkomusamir.

Sardinia er hluti af fjallgarði úr frumgrýti (gneiss), graníti og hellusteini (Schiefer), sem ísaldarjöklar veðruðu og slitu í sundur.  Yngstu merki um eldvirkni eru norður-suðurbelti, þar sem kalklög eru umturnuð.

Rúmlega helmingur íbúanna lifir af landbúnaði (korn, vín, ólífur, sítrusávextir, grænmeti og tóbak).  Uppi í fjöllum er stunduð kvikfjárrækt:  Sauðfé, geitur og nýlega nautgripir.  Íbúar Sardiniu eru sjálfum sér nógir með landbúnaðarvörur.

Fiskveiðar byggjast helzt á túnfiski, sardínum og krabbategundum.

Námuvinnsla hefur verið stunduð frá fornöld og varð lyftistöng tæknivæðingar í iðnaði í viðskiptalega vanþróuðum hlutum eyjarinnar.  Námur eru aðallega í Iglesiente í suðvesturhlutanum:  Sink, mangan, barít.  Nýleg kolavinnsla ofanjarðar er við Carboníu  og kolaorkuver í Portovesme.

Vatnsorkuver framleiða að auki næga orku til að selja til meginlandsins (manngerð lón).

Í Gagliari er nýleg olíuhöfn og olíuvinnsla (hreinsun o.fl.).  Henni tengd er vinnsla magnesíums og matarsalts úr sjó.

Ferðaþjónusta verður stöðugt mikilvægari atvinnuvegur.

Á eyjunni eru margar forsögulegar minjar frá bronz- og járnöld (turnar), líkar þeim, sem finnast á Baleareyjum.  E.t.v. voru þetta virki, varðturnar eða jafnvel grafir frá 1500-500 f.Kr.  Frá 9.öld f.Kr. settust Fönikíumenn og síðar Karþagómenn að á eyjunni.  Árið 238 f.Kr. komu Rómverjar, sem mátu mikils jarðefnin.  Árið 455 e.Kr. komu vandalar og síðar býzantískt fólk.  Á 8.-11. öld urðu blóðug átök við sarasena, sem Genúa og Pisa bundu enda á að undirlagi páfa og ásamt Sardiniu urðu að lénum páfastóls.  Við samningana í Utrecht 1715 varð Sardinia hluti af Austurríki, sem skipti á eyjunni og Sikiley árið 1720 og hún varð að konungsríki undir stjórn Savoyættarinnar.  Síðan 1948 er Sardinia hluti Ítalíu.  Menning og siðir eyjarskeggja hafa haldið sér.  Þeir tala sardinísku, sem er grein af rómanska málastofninum og hefur þróast á eiginn hátt og býr yfir ýmsum úreltum orðum og orðatiltækjum.