|
 Héraðshöfuðborgin
Hiroshima er vestarlega á Honshu við Setonaikai og um
hana rennur áin Ota í sex kvíslum.
Byggðin teygist eins og fingur út í Hiroshimaflóa.
Borgin komst á spjöld sögunnar, þegar henni var eytt
algerlega með vetnissprengju í lok síðari heimsstyrjaldarinnar
Hinn
6. ágúst 1945 kl. 08:15 varpaði bandaríski flugherinn fyrstu
vetnis-sprengjunni á Hiroshima. Hún
eyddi borginni gjörsamlega og deyddi u.þ.b. 200.000 manns.
Þá var álitið, að svæðið yrði óbyggilegt um áratugi,
en það var hægt að hefja uppbygginguna þegar árið 1949.
Árið 1974 var íbúafjöldinn orðinn rúmlega tvöfaldur frá
1945.
Eftir
endurbygginguna var Hiroshima stærsta borg Chugokuhéraðs og er nú miðstöð
menningar, ferðaþjónustu og stjórnsýslu þess.
U.þ.b.
2 km vestan aðalbrautarstöðvarinnar er kastalinn (Karfaborg; byggð
1593). Fimm hæða turninn
(nú safn) var endurbyggður árið 1958.
Þaðan er gott *útsýni yfir borgina, höfnina og eyjuna
Miyajima.
Skammt
sunnan kastalans blasa við Sprengjukirkjan, rústir húss iðnaðar- og
verzlunarráðsins, sem var miðja sprengingarinnar (eyðingin var alger
í 3 km radíus). Til vesturs sést ein Honkawa- og Motoyasueyjanna milli kvísla
Ota með *Friðargarðinum.
Frá
suðurhluta garðsins liggur hin 100 m breiða Friðarbraut til austurs
að Hijiyama-garði á hæð, vaxinni kirsuberjatrjám, þaðan sem er
gott útsýni yfir borgina.
Norðaustan
Friðargarðsins er minningarkirkja um heimsfrið, sem var byggð fyrir
tilstilli þýzka jesúítaprestsins Hugo Lassalle.
Hann lifði af sprenginguna 1945.
Hún er ein stærsta katólska kirkjan í Asíu og margar þjóðir
styrktu byggingu hennar. Í
46 m háum turninum hanga fjórar klukkur frá Bochum.
Orgelið er frá Köln og bronzhurðin frá Düsseldorf.
Belgar gáfu altarið.
UMHVERFI
HIROSHIMA
**Miyajima (Hofsey) er 30 km² stór eyja í Hiroshima-flóa (ferju- og
lesta-tenging við borgina). *Itsukushima-hofið,
sem Suiko keisari (554-628) lét líklega reisa.
Það var stækkað í núverandi stærð 600 árum síðar.
Hús þess eru á staurum í lítilli vík og virðast fljóta á
sjónum á háflóði. Hið
kunna, rauðmálaða hlið (Torii) í mynni víkurinnar er úr kamfóruviði.
Á miðri eyjunni er Misen-fjall (530 m).
Í skógum þess eru villtir apar og krónhirtir.
Við tindinn er Gumonji-do-hofið, sem Kobo-daishi stofnaði á
9.öld.
Rúmlega
40 km suðvestan Hiroshima er borgin Iwakuni (120þ. íb.).
Þar er áhugaverður kastali (1603) og hin 193 m langa brú með
fimm bogum, Kantai (upp-runalega frá 1673; skemmdist í flóði árið
1950 og endurbyggð árið 1953).
JAPAN |
