Kyushu er syðst Japanseyja.  Hún er í heittempraða beltinu og þar eru hverir, eldfjöll og fjöldi sögustaða, sem bera merki um menningarleg tengsl við meginland Asíu og Evrópu.  Flatarmál eyjarinnar er 36.554 km².

Beinar flugsamgöngur eru á milli Tókíó og borganna Fukuoka, Kumamoto, Nagasaki og Miyazaki.  Lestarsamgöngur frá Tókíó og Ósaka (Shinkansen-hraðlestin og hraðlestir; 10 klst. til Nagasaki).  Einnig eru áætlunarferðir farþegaskipa milli Beppu við Setonaikaihaf og Ósaka og Kobe.

Fukuoka, á norðurhlutanum, er mikilvægasta verzlunar- og iðnaðarborg eyjarinnar.  Elzti hluti borgarinnar heitir Hataka.

Fimmtíu km vestar er hafnarborgin Karatsu og austan hennar er strandlengjan Niji-no-Matsubara.  Þar er hin frábæra baðströnd *Matsu-uragata umgirt gömlum furutrjám.

Nagasaki (450þ.íb.) er í fallegu umhverfi og vinsæl meðal ferðamanna (þriggja tíma lestarferð frá Fukuoka).  Friðargarðurinn með vetnissprengjusafninu er skoðunarverður.  Hinn 9. ágúst 1945 varpaði bandaríks flugvél annarri vetnis-sprengjunni í síðari heimsstyrjöldinni á Nagasaki.  *Sofuku-ji-hofið var stofnaði Zen-meistari árið 1629 og nærliggjandi „Gleraugnabrú" (Meganehashi) auk Glover's Mansion (fyrrum bústaður ensks kaupmanns; oft notað til uppfærslu á "Madame Butterfly" eftir Puccini; gott útsýni yfir höfnina) eru meðal skoðunarverðra staða í borginni.  Katólska kirkjan 'Urakami' (1914) og grafreitur 26 kristinna manna (þar á meðal Franciscus Xaverius, síðar dýrlingur), sem voru krossfestir þar 5. febrúar 1597, eru sögustaðir kristinboðs í Japan.

Eftir þriggja tíma akstur til austurs frá Nagasaki komum við til Unzen-onsen-hverasvæðisins og baðstaðarins í *Unzen-Amakusa-þjóðgarðinum.  Amakusaeyjar tilheyra einnig þjóðgarðinum.

Austan Nagasaki, handan Shimabara-víkurinnar, er borgin Kumamoto (540þ. íb.).  Hún er hentugur dvalarstaður þeirra, sem vilja skoða umhverfið nánar, s.s. Asoeldfjallið.  Kastalinn í Kumamoto var upprunalega byggður á árunum 1601-1607 Kato Kiyomasa, einn herstjóra Toyotomo Hideyoshi og stjórnandi héraðsins, lét reisa hann.  Kastalinn var að mestu jafnaður við jörðu í Satsuma-uppreisninni 1877.  Turninn var endurreistur árið 1960.

Austan Kumamoto er *Aso-þjóðgarðurinn og í honum miðjum er hið virka eldfjall **Aso.  Gígbarmar þess er í 800-900 m hæð yfir sjó og umlykja einhverja stærstu öskju í heimi.  Hún er 23 km löng og 16 km breið.

Sunnan Kumamoto er hin fagra vík Yatsushiro, sem kunn er fyrir rauðleit ljósafyrirbrigði síðsumars (shiranui).  Þessi ljósagangur breiðist út yfir hafflötinn og enn þá hefur ekki tekizt að skýra hann vísindalega.

Skammt sunnan Yatsushiro er hinn vinsæli hveraheilsustaður Hinagu.  Þaðan er fallegt útsýni yfir Amakusa-eyjar, þar sem tugir þúsunda kristninna Japana voru drepnir á 17.öld.  Höfuð þeirra eru grafin í Amakusa, Hagsaki og Shimabara (við rætur Unzen-fjalls).

Beppu á austurströndinni er einn vinsælasti heilsubótarstaður Japans.  Þar eru rúmlega þrjú þúsund *hverir.  Heit sandböð eru sérstaklega vinsæl.