Ta'izz eða Taiz er borg í Suðvestur-Jemen í Ta’izz-héraði í hæðunum norðvestan Aden.  Hún tengist höfuðborginni San’a’ og hafnarborginni Al- Hudaydah við Rauðahaf með þjóðvegi.  Ta’izz er miðstöð kaffiræktarsvæðis og þar er baðmullarvefnaður, sútunar- og litunarstöðvar og skartgripagerð.  Borgin var setur háskóla á 16. öld og þar eru þrjár moskur, sem Tyrkir byggðu.  Áætlaður íbúafjöldi 1986 var 178 þúsund.