Manitoba Kanada,
Flag of Canada

BRANDON
FLIN FLON
GIMLI
WINNIPEG
PORTAGE La PRAIRIE Hvitabirnir í Churchill, Manitoba.

MANITOBA
KANADA

.

.

Utanríkisrnt.

Booking.com

Manitoba er eitt sléttufylkja Kanada, mitt á milli Atlantshafsins og Kyrrahafsins.  Winnipegvatn er eitt rúmlega 38.500 stöðuvatna fylkisins og 13. stærsta vatn jarðar.  Rúmlega tveir fimmtungar lands fylkisins eru skógi vaxnir.  Norðan þess er Nunavuthérað, Hudsonflói til norðausturs, Ontaríó til austurs, Norður-Dakóta og Minnisota (BNA) í suðri og Saskatchewanfylki til vesturs.  Höfuðborgin Winnipeg er sjöunda stærsta borg landsins.  Nafn fylkisins er úr indíánamáli og þýðir „Hinn talandi guð”.

Manitoba varð fimmta fylki Kanada árið 1870.  Það nær yfir hluta af innsléttunum og Mið-Kanada, sem eru víðast vel fallið til landbúnaðar, og landslagið er svipað og í Alberta og Saskatchewan.  Líkt og í Ontaríófylki byggir blanda þjóðerna afkomu sína á ýmsum atvinnuvegum.  Efnahagsleg þróun hefur verið hæg og sígandi samtímis meiri uppgangi í fylkjunum í vestri.  Svipuð þróun hefur verið á stjórnmálasviðinu, þar sem gætt er meiri hófsemi en víðast annars staðar í landinu.  Flatarmál fylkisins er 649.950 km², þar af 101.590 km² stöðuvötn og ár.  Íbúafjöldinn 1991 var 1.091.942 og árið 1996, 1.145.200.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM