Bridgetown stendur við sjávarmál.  Íbúafjöldi er u.þ.b. 100.000 með úthverfum.  Viðskiptaleg höfuðborg eyjarinnar var stofnuð af jarlinum af Carlisle árið 1628.  Borgin er eina þéttbýlið í suðvesturhlutanum og teygir sig langt inn á eyjuna.

*Careenage.  Borgin byrjaði að byggjast umhverfis Careenage, sem er ósfjörður Constitution-árinnar, sem snemma varð að höfn byggðarinnar.  Chamberlain-brúin var byggð á sama stað og brú, sem indíánar byggður, og er nafngjafi borgarinnar.  Gömul hús í miðbænum og húsbátar á höfninni hafa verið endurnýjaðir hin síðustu ár og ljá borginni fallegt og sérstakt yfirbragð.

Trafalgar Square var skipulagt árið 1874 á norðurströnd Careenage.  Þar stendur Nelson minnismerkið, sem Sir Richard Westmacott lét gera og reisa árið 1815, áður en fyrirmyndinni var komið fyrir í London.

The Fountain, fallegur brunnur, sem stendur á kóralstalli, er þar rétt hjá.  Hann var settur niður árið 1865 til að minnast fyrstu vatnsveitu borgarinnar.  Rétt hjá honum er fjármálaráðuneytið í nútímalegri byggingu.  Af þaki hennar er gott útsýni.  Við norðurhluta torgsins eru 

*Stjórnarbyggingar á svæði, sem eyddist í eldi árið 1860.  Húsin eru í nýgotneskum stílog þar er      þing eyjarinnar til húsa (vesturálman frá 1872, austurálman frá 1874).  Í samkomusal fulltrúadeildarinnar eru steint gler í gluggum, sem sýnir ýmsa enska þjóðhöfðingja.  Stóll        forseta deildarinnar er mjög verðmæt gjöf frá indversku ríkisstjórninni í tilefni sjálfstæðisyfirlýsingar Barbados árið 1966.

*Broad Street er verzlunargata, sem liggur til vesturs frá Trafalgartorgi í gegnum gamla miðbæinn, sem prýddur er nokkrum fallegum húsum frá nýlendutímanum.  Broad Street sker Prince     William Henry Street, sem heitir í höfuðið á William IV Englandskonungi.  Hann dvaldi á Barbados árið 1786.  Aðeins norðar er stutt verzlunargata, Victoria Street, og samsíða er Swan Street með fallegum svalahúsum.  Enn norðar er James Street, þar sem stendur meþódistakirkja frá 19.öld.  Þar í grenndinni er gamla ráðhúsið, sem nú er aðallögreglustöðin, dómshúsið (18.öld) og bókasafnið (1905).

Harry Bailey Observatory er fjölsótt stjörnuathugunarstöð við Clapham Street.
Magazine Lane (fyrrum púðurgeymsla) er aðeins austar.  Þar er hið þekkta Montefiore bókasafn og aðeins sunnar er synagóga (17. og 19.öld), sem eyðilagðist í fellibyl árið 1831, og hýsir nú lagaskjalasafn.

St. Mary's kirkjan (18.öld) stendur við vesturenda Broad Street á grænu svæði.
Public Market er lengra til suðvesturs.  Þar er einnig fiskmarkaðurinn.  Báðir eru líflegir.

Pelican Village er ný verzlunarmiðstöð, sem byggð var á uppfyllingu við Alice Highway.  Þar er      hægt að gera góð kaup (listmunir og minjagripir).

Bridgetownhöfn er lengra til norðvesturs.  Þar er stórt iðnaðarsvæði, sykurvöruhús og melassageymslur.

Kensington Oval er grænt svæði rétt norðan við höfnina, þar sem var gerður krikettvöllur 1882.

St. Michael's Cathedral.  St. Michael's Row liggur frá Trafalgartorgi í austurátt að kirkjunni (17. og 18.öld), sem skemmdist í fellibyl árið 1780 og var endurbyggð. Fallegur  skírnarfontur og legsteinar

Queen´s Park er aðeins austar.  Þar eru skólabyggingar, íþróttasvæði og First Baptist Church frá 19.öld.  Fyrstu hersýningar Breta í Vestur-Indíum fóru fram í garðinum.

Belleville er borgarhluti ríka fólksins sunnan ár.  Við útjaðar hans í stórum og afarfallegum garði er 

Government House, sem enskir innflytjendur byggðu á 17. öld.  Þar hafa landstjórarnir setið frá árinu 1702.

St. Patrick's Cathedral (19.öld) finnst, ef farið er eftir Bay Street framhjá lögreglustöðinni.  Þessi kátólska biskupskirkja eyðilagðist í eldi árið 1897 en var endurbyggð.  Sunnar við Bay Street eru nokkrar stjórnarbyggingar og á horninu við Chelsea Road er 

Washingtonhúsið, þar sem Washington dvaldi með bróður sínum, sem leitaði sér heilsubótar.  Þetta mun hafa verið eina utanlandsferð fyrsta forseta Bandaríkjanna.

*Bay Mansion var byggt á fyrri hluta 18. aldar sem herragarður.  Innréttingar eru verðmætar svo og glitvefnaður og kínverskt postulín.

Needham's Point.  Góð hótel og baðstrendur og rústir Charlesvirkis (17. og 18.öld) eru á suðvesturoddanum.

Virki St. Ann frá 1792 er aðeins austar.  Bygging þess hófst árið 1694.  Merkjaturn (1703) stendur velvarðveittur og varðhúsið, sem skemmdist í fellibyl 1831, og klukkuturn.

Garrison Savannah er nálægt virkinu.  Þar fara fram hinar frægu Barbadosveðreiðar.

Barbadossafnið er aðeins lengra í norðaustur.  Það er í fyrrum hermannafangelsi, sem byggt var árið 1853.  Þar er að finna umfangsmikil náttúru- og listsöguleg söfn.  Einkum er gaman að skoða sögu sykurreyrsræktar og sykurvinnslu og bókasafn með gömlum landakortum og handritum frá Vestur-Indíum.

Ferðir frá Bridgetown
til Ragged Point (hringferð 50 km).
til Bathsheba (hringferð 55 km).
til North Point (hringferð 60 km).