Roseau er höfuðstaður eyjarinnar.  Hann stendur í árósum samnefndrar ár á suðvesturströndinni og þar búa 12.000 manns.  Frakkar brenndu staðinn árið 1805 en hann var endurreistur og yfir honum hvílir nýlendublær.  Meðfram höfninni (stór skip kasta akkerum á ytri höfninni) eru vöruskemmur og báðum megin við þær eru fjörugir markaðir.  Sunnan bæjarins er Young-virkið (18.öld), sem er hótel á okkar dögum.  Nálægt því eru margar opinberar byggingar í georgískum stíl, s.s. bókasafnið, þinghúsið og dómshúsið.  St. George's kirkjan er líka í grenndinni (19.öld; anglikönsk).  Skammt norðar er 'Our Lady Fair' dómkirkjan (19.öld), stærsta katólska kirkja landsins.

Miðbæinn prýða nokkur timburhús en minna er um steinhús.  Þar er að finna margar verzlanir, sem selja heimilisiðnað og listmuni (fléttaða, náttúrulitað efni, verti-verti mottur, tréskurð, minjagripi  úr kókoshnetum og bambus).

Austan og ofan við bæinn, í hlíðum Borne Bruce, þar sem stóð áður virki, er nú sérstæður og fallegur grasagarður á 44 ha svæði.  Þar er að finna plönturtegundir úr þessum heimshluta og annars staðar að.