|
 Bayamo
er höfuðborg Granmahéraðs í 10 m hæð yfir sjó.
Íbúafjöldinn er 170.000.
Hægt er að komast þangað og þaðan með rútum og leigubílum
(safnbílum) frá Havana. Borgin
er miðstöð hins mikilvæga landbúnaðarhéraðs á Cantosléttunni,
þar sem gríðarmikilir sykurreyrs- og hrísgrjónaakrar og beitlönd
fylla landslagsmyndina. Miðborgin er þjóðarminnismerki vegna margra fallegra, sögulegra
húsa. Bayamo er dæmigerð
spænsk nýlenduborg, sem ferðamenn flykkjast til.
Diego
de Velázquez stofnaði borgina árið 1513 (næstelzt). Hún varð strax miðstöð landbúnaðarhéraðsins.
Borgin varð oft fyrir árásum frumbyggjanna, sem voru brotnir
á bak aftur eftir margar tilraunir til samninga við þá.
Þegar árið 1528 voru uppi háværar raddir um aukið sjálfstæði
í borginni. Fimm árum síðar
gerðu negraþrælar í gullnámunni Jobabo í grennd borgarinnar fyrstu
þrælauppreisnina á Kúbu.
Næstu ár varð Bayamo umskipunarstaður fyrir smyglvarning og
varð oft fyrir
árásum sjóræningja. Á
nítjándu öld höfðu frímúrarareglur mikil áhrif á þróun
borgarinnar og sjálfstæðisbaráttan efldist á ný.
Árið 1868 sauð upp úr, þegar Carlos Manuel de Céspedes gaf
þrælum sínum frelsi, vopnaði þá og hóf uppreisn gegn Spánverjum.
Frelsisbaráttu íbúa Bayamo er getið í þjóðsöng landsins
og hljóðar þannig: „Al combate, Bayameses ...” („Fylkið liði,
íbúar Bayamo...”). Árið
1953 varð skæruliðum nokkuð ágengt en hersveitir Batista brutu þá
á bak aftur.
*Parque
Céspedes
er einn fallegustu staða Kúbu. Þar
eru athyglisverðustu skoðunarstaðir borgarinnar.
Casa Céspedes. Hús sjálfstæðishetjunnar Carlos Manuel de Céspedes er
opið almenningi.
Archivo
(skjalasafnið) er fallegt hús í spænskum stíl með fallegum járngrindum
fyrir gluggum.
Ayuntamiento
er ráðhús borgarinnar, falleg bygging.
Fyrir framan hana stóð Céspedes og lýsti yfir afnámi þrælahalds.
San Salvador,
ein elzta kirkja landsins, stendur nálægt ráðhúsinu.
Í henni var þjóðsöngurinn fyrst
sunginn á 19.öld.
Umhverfi
Bayamo
Manzanillo
er hafnarbær 6 km vestan Bayamo við innanverðan Guacanayaboflóann.
Bærinn var stofnaður á 18.öld. Hann
er mikilvægur fiskibær og útflutningshöfn sykurs. |
