Sint Eustatius er ein Litlu-Antilleyja (Áveðurseyja) og ein Hollenzku-Antilleyjanna.  Höfuðborgin er Willemstad á Curaçao en héraðshöfuðborgin er Philipsburg á Sint Maarten.  Flatarmálið er 21 km², íbúafjöldinn 1.500 og tungumálin hollenzka, papiamento og enska. Daglega eru margar flugferðir milli Sint Eustatius, St. Maarten og St. Christopher auk þess, sem ferjur sigla til og frá St. Maarten.  Skemmtiferðaskip koma æ oftar til eyjarinnar.

Íbúarnir eru flestir þeldökkir og lifa af ferðaþjónustu, verzlun, smálandbúnaði og fisk-veiðum.  Flugvöllurinn, sem er einungis ætlaður litlum flugvélum, er í sigdældinni á milli útbrunnu eldstöðvanna í norðvestri og suðaustri.  Hafskipahöfn er á eyjunni, þannig að skemmtiferðaskipin geta lagzt að bryggju og þar er líka mjög góð snekkju- og skútuhöfn.