St Vincent og Grenadineeyjar eru hluti af Litlu-Antilleyjum og eru þingbundið konungsríki í brezka samveldinu.  Höfuðborgin er  Kingstown.  Flatarmál er 389 km², íbúafjöldinn er 120.000 og tungumál enska, patois og kreólska.

Reglulegar flugsamgöngur milli St. Vincent (Arnos Vale-flugvöllur) og Grenada, Barbados, St. Lucia, Martinique og Trinidad.  Leiguflug frá St. Vincent til Unioneyjar, Canouan, Mustique, Carriacou (Grenadine-eyjar) og annarra áfangastaða í Karíbahafi.  Samgöngur á sjó oft í viku frá St. Vincent (Kingstown) til  Bequia, Canouan, Mayreau, Unioneyjar og Carriacou (Grenadine-eyjar).  Skemmtiferðaskip hafa oft viðkomu.

St. Vincent er oft nefnd Smaragðseyjan eða eðalsteinn Antilleyja.  Hún er 29 km löng, 17 km breið og 115 km vestan Barbados og 115 km sunnan Martinique.  Hún og tilheyrandi Grenadine-eyjar eru hluti af hinum svonefndu áveðurseyjum.  Þrátt fyrir frábærar baðstrendur er ferðaþjónustan tiltölulega ný af nálinni.  Líklega er það vegna þess, að strendurnar eru dökkar eða svartar. St. Vincent er að öllu leyti eldfjallaeyja.Yngsta eldfjallið, Soufrière (1234 m), og hæsti punkturinn er nyrzt á þessari fjallendu eyju.  Það er eitt virkasta eldfjallið í austanverðu Karíbahafinu.

Varnaðarorð:  Siglingafólk þarf að vera vel á verði á Karíbahafi.  Sjórán hafa færzt í vöxt.  Reynt fólk forðast því að leggja skútum sínum og snekkjum aleitt í afskekktum víkum og felur farartæki sín í vörzlu viðurkenndra vaktmanna.