Famagusta er hafnarborg í tyrkneska hlutanum við austurjaðar frjósamrar Mesaoriasléttunnar og breiða vík á austurströndinni.  Hún byggðist 11 km norðan fornborgainnar Salamis, sem hafði góða náttúruhöfn og var mikilvæg útflutningshöfn fyrir kopar.  Hún hrundi í jarðskjálfta á 4. öld og meðal þess, sem hefur verið grafið upp er stórt leikhús, seifshof, íþróttaleikvangur, vatnsleiðsla og grafastæði.  Múrar gamla borgarhlutans í Famagusta, sem krossfararnir reistu á 13. öld, urðu allt að 17 m háir, þegar Feneyingar höfðu bætt við þá.  Sjávarmegin er virki með Óþellóturninum, þar sem verk Shakespears eru flutt.  Nikulásardómkirkjan (14.öld), nú Lala-Mustafamoskan, er í miðri gömlu borginni.  Suðvestan hennar eru rústir hallar feneyska landstjórans.  Snemmgotnesku kirkjurnar Hl. Pétur og Páll frá 14. öld, nú Sinan-Paschamoskan, og Hl. Georg (1359) eru frá blómaskeiði borgarinnar.  Mælt er með heimsókn í forngripasafnið.  Umhverfis Famagusta eru einhverjar beztu baðstrendur Kýpur.