Stjórnarsetur:  Vilnius.  Flatarmál:  65.200 km².  Fólksfjöldi:  3,69 milljónir, Litháar 80,1%, Rússar 8,6%, Pólverjar 7,7%, Hvítrússar 1,5%, aðrir 2,1%. Helztu atvinnuvegir í þessu láglenda ríki eru landbúnaður og iðnaður, rafeinda- og rafvélaiðnaður og verkfæraframleiðsla.  Stórfurstadæmið Litháen varið til við sameiningu baltneskra þjóðflokka til að stemma stigu við ágengni hinnar þýzku riddarareglu sverðsins upp úr miðri 13. öld.  Litháar lögðu undir sig stór landsvæði frá Rússlandi á 14. og 15. öld og Vilnius var gerð að höfuðborg.  En árið 1386 komust Pólland og Litháen undir sömu stjórn með hjónabandi stórhertogans af Litháen og prinsessu Pólverja og runnu að fullu saman árið 1569. Litháen var aftur á móti innlimað í Rússland í þriðju skiptingu Póllands árið 1795 en lýsti yfir sjálfstæði sem lýðveldi árið 1918.

Litháar sættu pólsku ofríki á þriðja og fjórða áratugi 19. aldar og misstu þá meðal annars höfuðborgina Vilnius. Einræðisríki var stofnað í Litháen 1926 undir stjórn A. Smetona forseta en Sovétríkin innlimuðu landið árið 1940. Í síðari heimsstyrjöldinni tóku Þjóðverjar Litháen og útrýmdu flestum gyðingunum þar.  Er Sovétmenn endurheimtu landið 1944, sendu þeir 145.000 Litháa í útlegð til afskekktra héraða í Sovétríkjunum. Litháar eru rómversk-katólsk þjóð með sterk bönd við Vestur-Evrópuþjóðir og þeir trúa því, að þeir geti lifað af utan ríkjasambandsins.  Þeir voru fyrstir Sovétlýðvelda til að lýsa yfir sjálfstæði í marz 1990 og Íslendingar voru fyrst þjóða til að viðurkenna þá sem sjálfstæða þjóð.