Íbúafjöldi u.þ.b. 1,5 milljónir, 2 milljónir með útborgum.  K.L. þýðir „Leðjuós".  Höfuðborg Malaysiu.  Stendur við ármót Gombak og Gelang.  Kínverskir tinleitarmenn stofnuðu fyrstu byggð þar 1857.  Borgin er í hæðóttu landslagi.  Borgin er forvitnileg blanda gamla og nýja tímans og þar er fjöldi grænna svæða milli hverfa, sem eru flest nýtízkuleg og fremur óspennandi.  Það er auðvelt að villast í K.L., þar sem hún hefur stækkað geysilega án nokkurs skipulags sl. 25-30 ár.  Umferðaröngþveiti ríkir, einkum vegna getuleysis við gatnagerð og skipulagsleysis.

Borgin skiptist í mörg hverfi og má þar nefna Kínahverfið með þröngum götum og indverska hverfið.  Þjóðarmoskuna prýðir 73 m há mínaretta og 48 litlir kúplar.   Masjid Jame moskan við ármótin var byggð árið 1909 í arabískum stíl.  Aðalbrautarstöðin og ráðhúsið eru byggð í mongúlstíl.  Í lake Garden og Bukit Nias eru leifar frumskóga.  Á kvöld- (hvert kvöld við Jalan Pertaling) og sunnudagsmörkuðum er iðandi mannlíf af mörgum þjóðernum.  Í Putra World Trade Centre (opnað 1985) er ein stærsta sýningaraðstaða í Sa-Asíu.