Male (45.000 íb.) er höfuðborgin og reyndar eina borg eyjanna.  Meðfram Marine Drive eru skrifstofuhús, ferðamálaráðið, pósthúsið, bankar og skemmtilegir *markaðir (fiskur, ávextir, grænmeti, timbur, eldiviður).  Þar er líka fiskiskipahöfnin og slippur.

*Blómskrúðið í fyrrum Soldánsgarðinum er einstakt.  Í litla safninu er að finna höggmyndir frá búddatímanum, skjöl, myndir, mynt, vopn og aðra hluti úr eigu soldánanna.

Trúarmiðstöð Maldíveyja er hin nútímalega moska, '*Stóra föstudagsmoskan (Masjid-Al-Sultan Mohammed Thakurufaan Al-A  z'am), með skrít-inni mínarettu.  Aðgangur að moskunni er takmarkaður við múslima.

Aðrar eyjar.  Auk Male eru þrjú önnur þéttbýli á eyjunum.  Byggðar eyjar eru svipaðar sveitum á meginlandinu.  Þar lifir fólkið svipuðu lífi og á fyrri öldum.  Það notar smábáta til að nýta óbyggðu eyjarnar.  Kafarar og fólk, sem stundar vatnaíþróttir, notar sér gjarnan ósnortnar *strendur þeirra og *rifin meðfram þeim.  Þar eru venjulega engir gisti- eða veitingastaðir.

Ferðamannaeyjar hafa byggzt á síðari árum.  Þær eru flestar í Kaafu-eyjaklasanum (Male), þar sem samgöngur og þjónusta er bezt.  Helztar þessara eyja eru:  Vabbinfaru (nv Male), Ihuru (v Male), Villingili og Furana, sem er innan seilingar frá flugstöðinni Hulule.  Þar að auki eru eyjarnar vestan Medhufinolu og nágrannaeyjarnar Ziyarath Fushi, Madivaru og Bodohiti, sem er vinsæl meðal kafara.  Norðan og norðaustan Male-eyjaklasans eru Meeru, Bandos og Helengeli búna ferðamannaþorpum.  Sunnan Male eru eyjarnar Velassaru og Embudu með drifhvítum ströndum.

SAGAN
Singhalesar, sem játuðu búddatrú, settust að á eyjunum í kringum 400 f.Kr.  Þeir komu frá eyjunni Ceylon.  Á miðöldum settust arabískir sæfarar þar að og kynntu hinn nýja sið, islam.  Árið 1153 urðu siðaskipti á Maldíveyjum.  Árið 1558 lögðu Portúgalar eyjarnar undir sig en voru hraktir brott árið 1173.  Síðan réðu sjóræningjar eyjunum að mestu þar til Hollendingar tóku við árið 1654.  Hollendingar létu Bretum eyjarnar eftir árið 1796.  Árið 1887 urðu þær að brezku verndarsvæði þar til Bretar viðurkenndu sjálfstæði þeirra árið 1956.  Maldív-eyjar eru enn þá hluti af Brezka samveldinu.  Fullu sjálfstæði var lýst yfir hinn 26. júlí 1965.  Í kjölfar kosninga árið 1968 varð ríkið að lýðveldi (var soldánsdæmi.