Malta er meðal þéttbýlustu ríkja Evrópu og heimsins alls, því að þar búa milli 1000 og 1100 manns á hverjum ferkílómetra.  Mesta þéttbýlið er á norðanverðri aðaleyjunni og langmest í kringum náttúruhafnirnar „Stóruhöfn” og „Marsamxett-höfn” eða allt að 7700 manns á km².  Á milli þeirra er 60 m hár og langur skagi, þar sem höfuðborgin, Valletta, er.  Strjálbýlast er á norðurhluta Möltu eða tæplega 300 manns á km².  Svipaða sögu er að segja um eyjarnar Gozo og Comino.