Norður Kórea,
Flag of Korea, North

MONSÚN
MISSERISVINDAR

P’YONGYANG FLEIRI BORGIR . Meira

NORÐUR KÓREA

Map of Korea, North
.

.

Utanríkisrnt.

Booking.com

Norður-Kórea heitir fullu nafni Alþýðulýðveldið Norður-Kórea (Choson Minjunuui In’Min Konghwaguk).  Heildarflatarmál landsins er u.þ.b. 122.762 km².  Það nær yfir u.þ.b. 55% Kóreuskagans.  Höfuðborg landsins, P’yongyang, er aðaliðnaðarborg og samgöngumiðstöð landsins í grennd við vesturströndina.   Bæði Kóreuríkin eru á Kóreuskaga út úr austanverðu meginlandi Asíu.  Hann er söguleg brú og jafnframt dempari milli Japans og Kína.  Skaganum var skipt milli Norður- og Suður-Kóreu um 38°N breiddarbauginn eftir að vopnahlé var samið í Kóreustríðinu árið 1953.  Þessi ríki eru aðskilin vegna gjörólíkra stjórnmála- og efnahagskerfa og beiskju eftir stríðið.  Íbúar beggja ríkjanna eiga sér sameiginlega menningu og líta á sig sem eina þjóð. Merki stríðsins eru enn þá fyrir hendi, þótt mikið hafi verið byggt upp síðan því lauk.  Útgjöld til hermála beggja ríkja eru gífurleg og þau eru bæði háð erlendri efnahagsaðstoð.  Efnahagslíf beggja er óstöðugt.  Breytingar lífsmunsturs íbúanna í nútímaátt valda líka talsverðum árekstrum. Kóreuríkin eru að mestu á Kóreuskaganum milli Japanshafs í austri og Gulahafi í vestri.

Norður-Kórea nær talsvert inn á meginlandið.  Milli Kóreuríkjanna er hlutlaust svæði, sem kveðið er á um í vopnahléssamningi þeirra.  Það er u.þ.b. 67 km breitt austast og 33 km vestast.  Kóreuskaginn er u.þ.b. 863 km langur frá norðaustri til suðvesturs og breiðastur er hann 248 km
 
Suður-Kórea er umlukin hafi nema til norðurs, þar sem landamærin skilja ríkið frá Norður-Kóreu.  Norður-Kórea á landamæri að Suður-Kóreu í suðri, Kína í norðvestri og snertir landamæri Rússlands norðaustast.  Aðaleyjar Japans eru u.þ.b. 200 km handan Kóreusund. Heildarflatarmál Kóreuskagans er u.þ.b. 220.896 km².  Heildaríbúafjöldi beggja ríkjanna er u.þ.b. 65 milljónir (43 milljónir í S.-Kóreu).  Suður-Kórea er meðal þéttbýlustu landa heims.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM