Czestochowa er höfuðborg samnefnds héraðs við Warta-ána í Suður-Póllandi.  Hún er mikil iðnaðarborg og tengd Kraká með járnbrautum.  Helztu framleiðsluvörur hennar eru járn og stál, vefnaðarvörur og pappír.  Í 14. aldar munkaklaustrinu Jasna Góra er frægt málverk af guðsmóður, kallað Svarta Madonna.  Jón Páll II, páfi, heimsótti þetta Klaustur árið 1979.  Áætlaður íbúafjöldi 1990 var 254 þúsund.