Gliwice er borg í Katowice-héraði við Klodnica-ána við austurenda Glivice-skipaskurðarins í Suður-Póllandi.  Hún er miðstöð flutninga um vatnaleiðir og með járnbrautum og kolanáms og framleiðir m.a. stál, vélbúnað, efnavöru, matvæli, sement og múrstein.  Járnbræðslur voru byggðar á 18. öld.  Þarna er Silesíutækiniháskólinn (1945) og nokkrar rannsóknastofnanir tengdar námuvinnslu.  Gliwice fékk borgarréttindi árið 1276.  Þarna er endurbyggð kirkja frá 13. öld, safn og Chopin-garðurinn.  Gliwice var kölluð Gleiwitz, þegar hún var prússnesk og þýzk (1742-1945).  Áætlaður íbúafjöldi 1989 var 223 þúsund.