Katowice, höfuðborg samnefnds héraðs í Suður-Póllandi, stendur við ána Rawa í grennd við Kraká.  Héraðið er auðugt af kolum og sínki og borgin er ein mikilvægasta námuborg og iðnaðarmiðstöð landsins.  Járnbræðsla, smíði þungavéla og efnaiðnaður eru mikilvægar atvinnugreinar.  Katowice fékk borgarréttindi 1867 í Prússlandi.  Þegar Silesíu var skipt milli Póllands og Þýzkalands 1921, lenti Katowice Póllandsmegin.  Þjóðverjar hersátu borgina í síðari heimsstyrjöldinni.  Áætlaður íbúafjöldi 1989 var 365 þúsund.