Arad er borg í Banat-héraði við Murel-ána í Rúmeníu í grennd við ungversku landamærin.  Helztu framleiðsluvörur hennar eru járnbrautavélar, vélaverkfæri og vefnaðarvörur.  Talsvert er um hveitimyllur og bruggverksmiðjur.  Arad var stofnuð á 11. öld og var undir stjórn Tyrkja, Austurríkismanna og Ungverja til 1920, þegar hún varð rúmensk.  Áætlaður íbúafjöldi árið 1989 var rúmlega 191 þúsund.