Resita er höfuðborg Caras-Severin-héraðs í undirhlíðum Transylvaníualpanna í Vestur-Rúmeníu.  Hún er mikilvæg miðstöð stálvinnslu, járnbræðslna og verksmiðja, sem framleiða raftæki, efnavöru, vélbúnað og málma.  Þarna var námuvinnslusvæði á tímum Rómverja en nútímaborgin var stofnuð á 18. öld, þegar fyrstu málmbræðslurnar voru byggðar.  Áætlaður íbúafjöldi 1989 var 110 þúsund.