Khamis Mushayt er borg í Suðvestur-Sádi-Arabíu, 27 km norðaustan Abha-borg.  Hún er inni í landi, í fjallendi með frjósömum jarðvegi.  Frá upphafi vegar hefur hún verið verzlunarborg og nafnið þýðir fimmtudagur, sem var aðalmarkaðsdagur Mushayt-ættflokksins.  Bygging herstöðva fyrir landherinn og flugherinn sunnan borgarinnar hleyptu lífi í borgina og hún þandizt út.  Landbúnaður á þessu svæði er líka veigamikil tekjulind (hveiti, hrísgrjón, kaffi og hennarunnar).  Áætlaður íbúafjöldi 1992 var 220 þúsund.