Mahilyow, Mögilev eða Mogilyov, er höfuðborg samnefnds héraðs í austurhluta Hvíta-Rússlands.  Hún er miðstöð iðnaðar og járnbrauta við Dnepr-ána.  Verksmiðjur hennar framleiða aðallega vélbúnað, vefnaðar- og leðurvöru.  Upprunalega var byggt virki á þessum stað á 13. öld og byggðin myndaðist umhverfis það.  Lítháar, Pólverjar og Svíar réðu borginni áður en Rússar fengu yfirráðin 1772.  Þjóðverjar hersátu borgina í síðari heimsstyrjöldinni.  Áætlaður íbúafjöldi árið 1990 var 363 þúsund.