Þegar
ferðast er frá Hanoi til vesturs í átt að landamærum Laos, er farið
um mjög falleg landsvæði. Þar
eru stórskorin fjöll og kynlegar klettamyndanir, þröng dalverpi og
gróðri vaxin svæði. Landsvæðið milli Son La (gestahús stjórnarinnar) og Dien
Bien Phu er byggt T'ai-fjallafólki, sem brennir enn þá land til ræktunar.
T'ai-fólkið er ólíkt fjarskyldum ættingjum sínum í Tælandi,
með því að það er ekki blandað mongólum.
Það býr víða uppi í fjöllum til að geta verið nær guðum
sínum og öndum. Hin síðar
ár hafa yfirvöld
reynt að fá það til að taka þátt í samyrkjubúskapnum í fjalladölunum.
Dien Bien Phu
er þekkt úr sögunni, þegar hópar tugþúsunda Víetnama komu hver á eftir
öðrum og brutu franskar hersveitir á bak aftur árið 1954.
Merkin um þessi gífurlegu átök sjást víða enn þá, s.s.
skriðdrekar og bryndrekar, sem Frakkar skildu eftir á flóttanum eða
voru eyðilagðir.
Undanfarin ár hefur ríkisstjórn landsins stuðlað að uppbyggingu
þjónustu við ferðamenn í þessum landshluta, s.s. gistiaðstöðu.
Sé ekið til suðurs frá Hanoi til Than Hoa og Hghe Tinh, eru mörg
samyrkjubú á leiðinni. Á
þessari leið er hin þjóðsagnakennda Ham-Rong-brú (Drekagilsbrú).
Iðnaðarborgin
Vinh á ströndinni við Tongkingflóa varð mjög illa úti í
Víetnamstríðinu og endurbyggingin hefur verið hægfara.
Í grennd við hana er
Bong Sen, þar sem Ho Chi Minh fæddist.
Da Lat
er heilsubótarbær uppi í fjöllum 230 km loftlínu
norðaustan Ho-Chi-Minh-borgar.
Svissneski bakteríufræðingurinn Alexandre Yersin, sem fann
svartadauðaveiruna, stofnaði hann árið 1893.
Landslagið er prýtt furuskógum og nokkrum vötnum og loftslagið er
mjög þægilegt.
Meðalhitinn á sumrin er u.þ.b. 20°C og 15°C á veturna og næturnar eru
hressandi svalar. Bærinn
stendur við vatn og umhverfis hann eru einbýlishús með fallegum görðum
(gladíólur, hibiskus, rósir, mímósur, bougainvillea o.fl.).
Í grennd við Da Lat búa enn þá nokkrir Moiættflokkar, sem hægt er
að heimsækja með sérstöku leyfi.
Á leiðinni frá Da Lat til Phan Rang (til suðausturs; á strönd
Suðurkínahafs) er gamla Chambyggðin Dran, þar sem talið er að menningarminjar
Chamríkisins sé að finna (m.a. gullkórónu).
Fleiri Chambyggðir er að finna
á strönd Ninh Thuanhéraðs og norðar.
Afkomendur
Chamfólksins eru dekkri á hörund en Víetnamar og tala tungumál líkt
malæísku. Margir þeirra klæðast enn þá hefðbundnum
búningum sínum með litskrúðugum höfuðbúnaði.
Félagslegt kerfi þeirra byggist á yfirráðum mæðranna.
Nokkrir múrsteinsturnar minna á forna frægð og veldi
Chamfólksins.
Einn hinn fegursti þeirra stendur við Thap Cham.
Strandborgin
Nha Trang (240.000 íb.) er 320 km suðaustan Ho-Chi-Minh-borgar.
Hún er á svæði Cham-fólksins og í grennd við hana er einn elzti
Chamturninn, Po Nagar,
í heilu lagi. Saryvarman
konungur lét reisa hann árið 784.
Við Nha Trang eru langar baðstrendur.
Klukkustundarakstur norðar er
Kap Varella með *frábærri baðströnd.
Við Qui Nhon
(170 km norðan Nha Trang) og Hung Thanjh eru fleiri varðturnar
Chamfólksins.
Strandborgin
Da Nang (áður Tourane; 500.000 íb.) er við fagran, sigðlaga flóa.
Chamlistasafnið þar er heimsóknar virði.
Nærri borginni er marmarafjall með Buddhaklaustri á toppi.
Bak við klaustrið liggur vegur inn í helli úr náttúrulegum
marmara og dagsljósið lýsir hann upp í gegnum rauf í fjallinu (þar er
lítil pagóda). Í öðrum
hellum í grenndinni eru fallegar dropasteinamyndanir.
Sunnan Da Nang er My Son,
fyrrum andleg miðstöð Chamfólksins.
Þar er merkilegast að skoða gamalt Bhadres-Cham-altari (10.öld) og
velvarð-veittan varðturn.
Bærinn
My Lai (nú Tinh Khe) er líka sunnan Da Nang.
Þar frömdu bandarískir hermenn hroðalegt fjöldamorð.
Minnisvarði og lítið safn minna á þenna atburð.
Hoi
An
(30 km sunnan Da Nang) er fallegur bær með fjölda pagóda. Hann var mikilvæg verzlunarmiðstöð undir stjórn Hollendinga,
Portúgala og Frakka.
AFÞREYING
Næturlíf:
Þegar á heildina er litið, er varla hægt að tala um næturlíf í
Víetnam, alla vega ekki í höfuðborginni Hanoi.
Í Ho-Chi-Minh-borg kemur ókunnur ferðamaður ekki auga á
möguleikana, sem eru fyrir hendi nú sem fyrr.
Þar aka eftirlitssveitir hersins um götur og útgöngubann ríkir.
Helzti viðburðurinn þar er Saturday night fever í Ben
Thanh-hótelinu (aðgangseyrir).
Eini nætur-klúbburinn, sem er hægt að mæla með er Number 15 Bar í
grennd við Doc Lap-hótelið. |