|
 Reykjavík,
4. desember 2007.
Hér að neðan eru tölvupóstskipti
við gjaldkera Félags leiðsögumanna 22. og 26. september sl.
Mér blöskrar enn þá einu sinni bullið, yfirlætið, blindan og
útúrsnúningurinn úr þessum manni. Hann heldur, að hann
sé óskaplega sniðugur, og hefur nógan tíma
til að klastra saman svona langlokum, sem hann heldur að séu
svör, en kvartar jafnframt yfir tímaskorti við félagsstörfin
og vanþakklæti okkar, sem hann lofaði að vinna fyrir.
Hann og fleiri í stjórninni ættu að skammast sín og við
ættum sjálf að skammast okkar fyrir að kjósa svona amlóða yfir
okkur.
Fridrik
Haraldsson schrieb:
Sæll Jens,
Ég spyr þig, sem gjaldkera Félags leiðsögumanna,
hvernig stendur á því, að þið sendið út innheimtuseðla fyrir
stofngjaldi félagatals, þegar það virkar ekki eins og Pétur
Gauti er búinn að marglofa. Hann byrjaði loforðalesturinn í
vor og hélt honum áfram núna fyrir stuttu, en félagatalið er
jafnónýtt fyrir okkur, sem viljum koma upplýsingum inn á
það. Það er ekki hægt að koma inn mynd, breyta upplýsingum
eða tilkynna lausan tíma.
Það er ekki nóg, að Hafdís bjóðist til að koma hinu og þessu
inn á síðurnar okkar. Okkur var lofað sjálfstæðum aðgangi
að breytilegum upplýsingum á síðunum okkar í félagatalinu.
Til þess að þú og stjórnin hafið það skriflegt, neita ég að
greiða þetta gjald þar til úrbætur hafa verið gerðar.
Friðrik Haraldsson, „fullgildur félagi nr. 76”.
Sæll Friðrik, fullgildur
félagi nr. 76,
til að byrja svar mitt vil ég benda þig á tilkynningu á vef
Félags leiðsögumanna frá 9. nóvember s.l. sem áður var sent
út með tölvupósti þann 30. október:
"Í
vor komst loksins á netið listi yfir fagmenntaða
leiðsögumenn. Þessi listi hefur verið í prufukeyrslu í
nokkra mánuði og vonandi hafa félagsmenn getað nýtt sér
þjónustuna.
Á aðalfundi
Félags leiðsögumanna 23. apríl s.l. veittu félagsmenn
stjórninni heimild til að innheimta stofngjald vegna
skráningar félagsmanna á lista yfir fagmenntaða leiðsögumenn
á heimasíðu félagsins.
Þeir sem vilja vera á listanum þurfa nú að greiða 3.000
krónur í stofngjald.
Hver félagsmaður greiðir stofngjald einu sinni.
Áframhaldandi vera á lista fyrir fagmenntaða leiðsögumenn er
hluti af árgjaldi FL. Greiðsluseðlar hafa verið sendir til
félagsmanna.
Ökuleiðsögumenn eru vinsamlega beðnir um að senda tölvupóst
til skrifstofunnar og biðja um skráningu. Félagsmenn geta
sent ljósmynd af skírteininu með tölvupósti eða sent ljósrit
í hefðbundnum pósti."
Nú, þarna sérðu
hvernig stendur að því að innheimtuseðla fyrir stofngjald
þess lista hafa verið sent út. Það var stjórnin í heild sem
tók ákvörðun í haust að innheimta gjaldið nú eftir að nokkur
reynsla er komin með leiðsögumannatalið. Málið er það að þó
að ýmislegt er enn hægt að bæta þá hefur þegar töluverður
stofnkostnaður fallið til.
Ég verð samt að vísa á bug fullyrðingu þína um að þetta tal
sé jafnónýtt. Það finnst mér töluvert framskref að geta sent
upplýsingar (menntun, mynd, áherslumál, ...) á skrifstofu
sem sér svo um að uppfæra þær hverju sinni.
OK, ég vildi auk þess sem þú nefndir hafa líka rafrænt
bókunarkerfi með möguleika á að gera upp ferðirnar og gefa
einkunn fyrir leiðsögumann, ferðaskrifstofu og
rútufyrirtæki, og svo líka með greiðslukort vegna
fæðupeninga. En í bili finnst mér listinn eins og komið er
vera góð byrjun.
Þetta leiðsögumannatal er meira að segja töluvert betri
lausn en það sem var síðast á vef félagsins en ekki var hægt
að breyta neinu, hvorki bæta við nýja leiðsögumenn né taka
út þá sem fallið höfðu frá eða hætt. Og það jafnvel þótt
hönnuður gamla félagatalsins væri innan vébanda FL og síðast
félags fagmenntaðra leiðsögumanna en hann mundi ekki eftir
formúlunni til að gera breytingar.
Hins vegar fékk ég mjög jákvæð viðbrögð frá
ferðaskrifstofueiganda sem fannst nýi listinn vera mjög
góður, ekki síst að hann væri loksins orðinn aðgengilegur.
Er þarmeð ekki mikilvægasta tilgangi náð? Kannski kemur
seinna meir útgáfa með möguleiki til að hafa, segjum
bleikan, bakgrunn með slaufur á síðunni sinni.
Síðast en ekki síst vil ég benda þig á að þessi listi er
ekki félagatal heldur leiðsögumannatal, sem sagt
aðeins fyrir fagmenntaða leiðsögumenn. Við getum ekki
krafist félagsmenn til að borga sérstaklega fyrir að vera á
félagalista!
Tilgangur listans er að stuðla að gæði í leiðsögn með því að
auglýsa aðeins fagmenntaða félagsmenn. Þeim er þó frjálst
að kjósa að vera ekki á listanum eins og þú gerir með því að
borga ekki greiðsluseðilinn. Ef það skyldi vera eftirsjá
eftir ákveðum mönnum af hálfu ferðaskrifstofum er ég
fullviss um að skrifstofa mun útvega eftir getu símanúmer og
netföng þó að viðkomandi sé ekki skráður á
leiðsögumannatali.
Ég vona að öllum spurningum þínum varðandi leiðsögumannatali
sé svarað í bili. Vertu viss um að stjórnin haldi áfram að
leita úrbóta þó hægt gangi. Enda erum við öll leikmenn en
ekki í fullu starfi hjá okkar ágætu en litlu félagi. Það
gerir vinna okkar stjórnar ekki einfaldari að þurfa
stanslaust að glíma við yfirdrifnar kröfur félagsmanna sem
telja sig tala málefni reginhluta félagsins á sama tíma sem
uppbyggilegar tillögur um úrbætur væru bæði kærkomnar og
nauðsýnlegar.
kveðja,
Jens Ruminy
gjaldkeri Félags leiðsögumanna
_________________________________________________________________________
Reykjavík,
25. nóvember 2007.
Stjórnir Félags leiðsögumanna hafa brotið lög félagsins á
markvissan og einbeittan hátt undanfarin ár og komizt upp
með það, þrátt fyrir sífelldar kvartanir mínar. Fáir aðrir
í þessu undarlega félagi hafa látið sig þessi mál skipta og
því er nú svo komið, að við verðum að upplifa algera
niðurlægingu eina ferðina enn þá.
Núverandi stjórn félagsins hefur:
Fellt niður gildandi ákvæði í lögum félagsins um vinnu að
viðurkenningu menntunnar okkar á háskólastigi fyrir árið 2010.
Ekki birt eina einustu fundargerð síðan 27. janúar 2007,
þrátt fyrir skýr fyrirmæli í lögum um birtingu innan 10 daga
frá hverjum fundi.
Ekki séð sér fært að leggja lög félagsins fyrir miðstjórn
ASÍ fyrr en í októberlok í ár, þannig að við erum ekki enn
þá með nein lög í gildi fyrir félagið.
Hunzað samþykkt aukaaðalfundar hinn 23. apríl 2007 um
félagsfund um kosningu varðandi allsherjaratkvæðagreiðslu um
aðild í eða úrsögn úr ASÍ. Þessi fundur var síðan haldinn
21. nóvember síðastliðinn að kröfu undirritaðs, sem var
búinn að fá sig fullsaddan af hegðun stjórnar.
Óstjórn, siðleysi, dónaskapur og ókurteisi
stjórnar í garð félaga kemur fram í ýmsum myndum:
Félagatalið hefur ekki verið virkjað síðan
varaformaðurinn tilkynnti okkur í vor, að það væri á
lokasprettinum og í prufukeyrslu. Sömu gallar eru enn þá á
því og og strax eftir að hann lokaði munninum í vor. Eina
breytingin er, að stjórnin er búin að senda út
innheimtuseðla fyrir stofngjaldi félagatalsins. Eindagi 15.
desember 2007. Hvað verður gert við félaga, sem sætta sig
ekki við að greiða fyrir ófullunnið félagatal? Verða þeir
teknir af skrá?
Stjórn félagsins hefur ekki nokkurn tímann haft döngun í sér
til að láta félaga vita, hvað hún er að brölta við hverju
sinni, svo að við höfum ekki hugmynd um, hvort hún er að gera eitthvað af
viti fyrir okkur. Svo virðist, sem hún sé okkar versti
fjandi.
Hvernig ætlar stjórn Félags leiðsögumanna að halda saman
punktum leiðsögumanna? Þeir eiga að koma fram í félagatali
til að sýna reynslu okkar.
Haft er eftir formanni og stjórn félagsins, að stuðningur ASÍ í
Allrahandamálinu og í komandi kjarasamningum sé mjög mikill
og ómissandi. Hvort tveggja er eintómur þvættingur og lygi.
Þar býr ekkert að baki nema aumingjaskapur og leti.
Að framansögðu liggur næst fyrir að
kæra stjórn félagsins fyrir miðstjórn ASÍ og
félagsmálaráðuneyti. Tilefnin eru ærin. |
