New Page 1

Lög FL 1999

Lög FL 2004

Lög FL. 2005
Lögfræðiálit

Lög FL 2006

Lög FL 2007
Lög FL 2008

FÉLAG LEIÐSÖGUMANNA
FÉLAG Í RÚSTUM! - ER SÓKN BEZTA VÖRNIN?

Reykjavík, 4. desember 2009
Þrír örpistlar úr fundargerðum stjórnar birtust á vefsíðu félagsins í fyrradag. Stuttir stjórnarfundir voru haldnir 3. og 11. nóvember og 2. desember.

Uppistaða þeirra var umfjöllun um FEG, aðallega mikinn aðildarkostnað (€ 1400), sem skal reyna að fá lækkaðan, og hvernig samtökin gætu hugsanlega orðið okkur að liði í réttindabaráttunni. Svar við einhverri tillögu til þingsályktunar kom til umfjöllunar (ekki nánar útskýrt). Þá var talað um að næsta kjaranefnd yrði að koma skikki á greiðslu álagskaups og hvenær næturvinna hefst (engin nánari skýring).

Núna fyrst ber réttindamál leiðsögumanna á góma í félagsstjórninni, þegar næstum er komið að næsta aðalfundi. Þetta hlýtur að vera sett á svið til að hægt sé að segja okkur frá því í skýrslu formanns.

FEG og önnur evrópsk samtök eru mislangt komin í réttindabaráttunni, en flest lengra en við. Hingað til hefur þróun réttindamála leiðsögumanna erlendis ekki orðið okkur til framdráttar, þrátt fyrir margar tilraunir fyrri stjórna félagsins. Það má þó alltaf reyna aftur.

Stjórnin hefur ekki viljað fara að ráðum félaga, sem hafa reynslu af þessum málum frá fyrri tíð, og rembist við að finna upp hjólið í hvert skipti, sem hún þykist vera að gera eitthvað í málunum. Það er margbúið að benda á fjölda leiða að markinu, en stjórnin hefur hunzað þær með öllu.

Önnur mál á dagskrá voru tæplega nefndartæk, þannig að stjórnarsaumaklúbbnum tekst enn og aftur að skauta framhjá áríðandi málum. Ætla mætti, að stjórnin hefði ekki áhuga á að minna félagsmenn á frest til að skila tillögum um lagabreytingar til 20. desember, eða að huga að leiðum til að draga okkur upp úr fátæktarfeni núverandi launakerfis. Þar er margt hægt að gera til úrbóta.

Þá var sagt frá „hugmynd” (ekki skýrt nánar) um að breyta félagsmerki okkar á þann veg, að orðið „leiðsögumaður” kæmi í stað ”Guide”. Skúla Möller var falið að komast í tengsl við höfund merkisins til að fá leyfi hans. Það hefur sem betur fer ekki tekizt enn þá. Eigum við að trúa því, að síðustu afrek þessarar stjórnar eigi að vera að rústa merki félagsins líka? Er ekki nóg komið af hryðjuverkum?

Þessar eru afleiðingar gerða þinna eða aðgerðarleysis, félagi góður. Mundu það! Undirritaður skorar á formann og varaformann Félags leiðsögumanna að segja strax af sér.

Félag leiðsögumanna

Félag leiðsögumanna á vefsetrinu nat.is

Leiðsögumaður (tourist guide) -
fararstjóri (tour manager)

Ferðaheimur

Lög FFL 2007

Tillaga til lagabreytinga 2009

Tillaga að reglugerð allsherjarakv.gr.