|
Reykjavík
16. marz 2008.
Stjórn Félags leiðsögumanna er enn þá við sama
heygarðshornið í „störfum” sínum fyrir ykkur.
Hinn 10. marz 2008 fékk hún kröfu um birtingu úrdrátta
fundargerða stjórnar- og félagsfunda síðasta árs frá 27.
janúar 2007 og framvegis. Lögfræðingur ASÍ hefur staðfest að
15. grein laga okkar sé ótvíræð.
Krafan byggðist á eftirfarandi svari formanns í netpósti
hinn 5. febrúar 2008: „Úrdráttur
fundargerða verð’a framvegis birtar á heimasíðu félagsins.
Ef þú óskar eftir frekari upplýsingum um einstök mál getur
þú sent fyrirspurn um það á skrifstofu félagsins sem kemur
því til ritara og stjórnar sem munu svara því.”
Svar undirritaðs: „Því
miður duga þessi viðbrögð þín ekki. „Framvegis” dugar ekki
eitt og sér. Fundargerðir stjórnar- og félagsfunda vantar
síðan 27. janúar 2007 samkvæmt 15. grein laga félagsins.
Geturðu ómögulega sýnt eðlilega kurteisi og framkomu, sem
sæmir formanni okkar?”
Stjórnin fékk þessi skilaboð í netpósti 10. marz:
„Undirritaður
biður stjórn Félags leiðsögumanna um afdráttarlaust svar við
beiðni um birtingu úrdrátta fundargerða stjórnar- og
félagsfunda frá 27. janúar 2007 og framvegis á heimasíðu
félagsins. Vilji stjórnin fara að lögum félagsins, getur
hún ekki stutt svar formannsins hér að ofan.
Vinsamlegast sendið mér svar í netpósti.”
Stjórnin fékk einnig beiðni um aðgang að
fundargerðum áranna 2003, 2004 og 2005, fram að aðalfundi,
svo að hægt væri að kanna aðdraganda lagabreytinganna á
aðalfundi 2005. Tilgangurinn er að athuga, hvort
löglega var að þeim staðið.
Eftirfarandi er svar stjórnar hinn 14. marz 2008 við
þessum kröfum:
„Stjórn
Fl ákvað á fundi að leyfa þér að skoða fundargerðabækur 2007
og 2008, að uppfylltum ákveðnum skilyrðum.
Í fundargerðabókum FL eru
skráðar ýmsar trúnaðarupplýsingar (sérstaklega hvað varðar
sjúkrasjóð) og er ekki heimilt að opna þá hluta
fundargerðabóka FL fyrir almenna félagsmenn. Auðvitað væri
betra að sjúkarsjóður væri með sér fundargerðabók og verður
sá háttur hafður á héðan í frá.
En ef þú vilt fá að lesa
þær getum við boðið þér í heimsókn á skrifstofu FL og þú
getur fengið að lesa þessar fundargerðabækur, í viðurvist
stjórnarmanna (með þeim fyrirvara að við hyljum
trúnaðarupplýsingar um sjúkrasjóð). Við þurfum bara að
komast að samkomulagi um hvenær þér hentar að mæta og hvað
mikinn tíma þú heldur að þú þurfir.
Varðandi fyrirspurn þína
um fundargerðir stjórna árin 2003 og 2004 má ekki afhenda
þér ljósrit (né annað afrit) af téðum fundargerðum.
Þau stinga upp á þriðjudeginum 1.4 milli 14 og 17.
Samdægurs var stjórn félagsins sendur
þessi netpóstur:
„Til
stjórnar Félags leiðsögumanna:
Sé ofangreint svar við erindi mínu
dagsettu 10. marz 2008 hér enn ofar,
verð ég að lýsa yfir undrun og harmi vegna viðbragða
stjórnar félagsins. Ég bið ekki um annað en að
stjórnarfundur sýni mér afstöðu sína til laga félagsins og
framkvæmda þeirra. Málið snýst ekki um einhvern einkaaðgang
með „ákveðnum skilyrðum”. Mér þætti vænt um að ritari og
stjórn félagsins nýttu tímann, sem mér er boðinn til að taka
saman fundargerðir síðasta árs og birta þær á sama stað og
síðast - á heimasíðu félagsins.
Ég vil gjarnan vita, hvort Magnús Norðdahl, lögfræðingur
ASÍ, telur þetta svar nægilega staðfestingu þess, að stjórn
Félags leiðsögumanna hyggst ekki fara að lögum eigin félags
og hvort það nægir mér til þess að leggja formlega kvörtun
fyrir miðstjórn ASÍ þar að lútandi. Þar sem hann fær afrit
af þessum netpósti, má hann gjarnan svara báðum aðilum
þessari spurningu.
Magnús má einnig taka afstöðu til synjunar stjórnar Félags
leiðsögumanna vegna beiðnar minnar um aðgang að upplýsingum
um aðdraganda lagabreytinga á aðalfundi árið 2005 í
fundargerðum stjórna félagsins árin 2003, 2004 og 2005 fram
að aðalfundinum. Ég tel mig eiga ótvíræðan rétt til að
kynna mér, hvort löglega var staðið að gjörbreytingu
félagsins án þess að efnt væri til allsherjaratkvæðagreiðslu
um hana.”
Lesi nú hver úr þessu það, sem hann/hún getur og vill!
Mundu, að þetta ástand er þér og mér að kenna!
Friðrik Haraldsson #76 |
