|
Félag
leiðsögumanna Fagfélag,
Grein Ástu Ólu
í febrúar 2006
Lög um atvinnuréttindi útlendinga
10. maí 2002.
Breytingar á lögum
im atvinnuréttindi útlendinga 1. maí 2006.
Lög ASÍ
Reglugerð ASÍ um allsherjaratkvæðagr.
Leiðsögunám í
Leiðsögusk. Ísl. í MK
Leiðsögunám í Ferðamálaskóla Ísl.
Leiðsögunám EHÍ
Eru skólarnir viðurkenndir? |
FÉLAG LEIÐSÖGUMANNA
FÉLAG Í RÚSTUM! - ER SÓKN BEZTA VÖRNIN?
ELDRI
PISTLAR
 Reykjavík,
15. júní 2011.
Á netsíðu Félags leiðsögumanna birtist
pistill, dagsettur 9. júní 2011, sem var ekki þar, þegar
„leppstjórn" félagsins var sendur þessi netpóstur hinn 12.
júní 2011.
Pistillinn tekur á flestu, sem um er spurt, en þó vantar enn
þá kjöt á beinin.
Ég læt lesendur þessarar síðu um að finna út úr því.
Undirritaður skorar á alla félaga að heimsækja skrifstofu
Félags leiðsögumanna og skoða listann yfir atkvæðisbæra
leiðsögumenn. Hafa allir, sem telja sig eiga rétt til
að greiða atkvæði, fengið senda seðla? Það voru gerð
stórmistök við sömu athöfn, þegar núgildandi kjarasamningar
voru bornir undir atkvæði. Er nokkur ástæða til að
ætla að ástandið sé betra nú?
Undirritaður skorar einnig á ykkur að fylgjast með talningu
atkvæðanna. Munurinn var svo naumur síðast, að undrum
sætir. Var maðkur í mysunni?
Undirritaður skorar á alla, sem hafa ekki fengið senda
atkvæðaseðla, en telja sig eiga rétt til að hafa áhrif á
gang mála, að hafa samband og senda mér netpóst til
staðfestingar. Við verðum að fara að rjúfa þennan
vítahring aulaháttar, sem við erum búin að koma okkur í.
From: fridrikmh@live.com
To: hjalti.bj@saa.is
CC: kentb@mh.is; juliahannam@gmail.com; mckinstry@alla.is;
bryndis@lydheilsustod.is; karijo@internet.is;
vilborga@centrum.is; orvarmar@simnet.is
Subject: Allsherjaratkvæðagreiðsla.
Date: Sun, 12 Jun 2011 12:24:54 +0000
Ágætu
viðtakendur,
Frestur til að skila atkvæðum um kjarasamninga 2011 rennur senn
út. Svar við spurningu minni hér að neðan og viðbrögð ykkar við
neðangreindu í heild hafa ekki borizt. Nauðsynlegt er að þið tjáið
ykkur áður en fresturinn rennur út. Það er ekki hægt að gera
athugasemdir við framkvæmd allsherjaratkvæðagreiðslunnar að honum
loknum. Því skora ég á ykkur að svara mér umbúðalaust í tæka tíð. Það
ætti ekki að vera flókið.
Beztu kveðjur,
Friðrik Haraldsson.
Reykjavík,
7. júní 2011.
From: fridrikmh@live.com
To: info@touristguide.is
Subject: FW: Fundur vegna kjarasamninga 2011
Date: Tue, 7 Jun 2011 13:37:41 +0000
Sæl
Auður,
Svarið við neðangreindri
spuringu barst í dag með póstinum. Ég fékk
atkvæðaseðilinn minn ásamt bréfi, sem er dagsett hinn 3.
maí 2011. Dagsetningin vekur upp spuringu um það, hvort
gleymzt hafi að senda mér atkvæðaseðil með öðrum, sem eiga
atkvæðisrétt, eða voru allir atkvæðaseðlar sendir
atkvæðisbærum félögum samtímis?
Það er tiltekið í bréfinu, að „Ákveðið hafi verið" að
viðhafa allsherjaratkvæðisgreiðslu um samninginn. Það er
eiginlega ekki hægt að viðhafa þessi orð um
allsherjaratkvæðagreiðslu, því lög félagsins segja, að hún
SKULI fara fram um kjarasamninga. Það er engum falið að
„ákveða" eða „ákveða ekki" að viðhafa
allsherjaratkvæðagreiðslu um þá.
Akvæðabærir félagar eru jafnframt fullgildir félagar og
við viljum fá að sjá listann með nöfnum okkar allra á
vefsíðu félagsins. Það er ekki nóg að segja í bréfinu, að
við séum „um 150". Við erum ákveðinn og ótvíræður fjöldi,
sem þarf að gera öllum félögum grein fyrir.
Í bréfinu stendur ennfremur: „Talning atkvæða fer síðan
fram á skrifstofu félagsins klukkan 17:00, miðvikudaginn
22. júní og verður tilkynnt................." Fullgildir
félagar vilja af fenginni reynslu og gefnu tilefni eiga
sérstakan fulltrúa úr sínum röðum við þessa talningu.
Meðal ágreiningsmála eftir síðustu
allsherjaratkvæðagreiðslu um samninga var leynd og
staðfestur grunur um kosningasvik, sem verða tekin upp á
öðrum vettvangi með öðrum málum fyrir héraðsdómi
Reykjavíkur.
Vinsamlegast komdu þessum athugasemdum til „leppstjórnar"
Félags leiðsögumanna, því öðrum er ekki til að dreifa í
þessum furðulegu samtökum okkar.
Beztu kveðjur,
Friðrik Haraldsson.
Sæl Auður,
Nú eru liðnir 8 dagar frá fundi um nýjan
kjarasamning og ekki bólar á atkvæðagreiðslu um hann. Hvenær má vænta
þess, að við, sem höfum rétt til að greiða atkvæði, fáum tækifæri til
þess?
Beztu kveðjur,
Friðrik Haraldsson.
Reykjavík,
23. maí 2011
From: fridrikmh@live.com
To: hjalti.bj@saa.is
CC: kentb@mh.is; juliahannam@gmail.com; mckinstry@alla.is;
bryndis@lydheilsustod.is; karijo@internet.is;
vilborga@centrum.is; orvarmar@simnet.is; boh@internet.is;
magnuso@aknet.is; skulimoller@simnet.is
Subject: Af gefnu tilefni.
Date: Mon, 23 May 2011 14:59:17 +0000
SKILABOÐ til félags leiðsögumanna.
Þið, sem fáið þennan netpóst, hafið ekki löglegt umboð til
að annast störf fyrir Félag leiðsögumanna. Þessi staðreynd
hefur verið útskýrð bæði í orði og á borði, svo að enginn
ætti að fara í grafgötur um rökin fyrir henni.
Haldi áfram sem horfir, sér undirritaður sér ekki annað fært
en að gera ykkur persónulega ábyrg fyrir gerðum ykkar, þegar
dómsmál gegn félaginu og einstaklingum, sem bera ábyrgð á
stöðu félagsins eftir aðalfundinn árið 2005, verður
þingfest.
Aðalfundirnir eftir 2005 hafa í raun allir verið ólöglegir,
þótt undirritaður hafi ekki haft uppi mótmæli og tilraunir
til að hindra framgang þeirra fyrr en árin 2010 og 2011.
Þessi þróun mála hefur ekkert með persónur ykkar að gera,
heldur þátttöku í ólöglegum gerningum, sem verður notuð gegn
ykkur í komandi málaferlum.
Mér finnst sorglegt, að þurfa að beita þessum harkalegu
viðbrögðum. Aðrar leiðir hafa verið fullreyndar. Líklega
tekst ekki að þingfesta einkamál gegn félaginu og
einstaklingunum, sem bera ábyrgð á stöðunni, fyrr en eftir
réttarhlé, en þið þurfið ekki að velkjast í vafa um, að það
verður gert.
Uppi er spurning um umsýslu sjóða félagsins við þessar
aðstæður. Niðurstaða héraðsdóms kynni að leiða til kæru til
efnahagsbrotadeildar ríkislögreglustjóra.
Undirritaður var að velta því fyrir sér, hvort hann ætti að
sækja auglýstan fund um kjarasamning félagsins við SA í
kvöld. Niðurstaðan varð sú, að senda frekar þessa aðvörun í
netpósti til ykkar og benda ykkur á að kynna ykkur betur
allan aðdraganda þessa leiðindamáls
hér.
Beztu kveðjur,
Friðrik Haraldsson, félagi nr. 76.
Reykjavík,
24. apríl 2011
Nú er því miður svo komið, að undirritaður verður að
leita til dómstóla til að ná fram rétti sínum í Félagi
leiðsögumanna. Allar tilraunir til sátta hafa reynzt
árangurslausar og ekki verður unað við núverandi ástand.
Nr. 1. Lagt fram í héraðsdómi Reykjavíkur, 10. maí 2011.
STEFNA
Friðrik Haraldsson, Hverafold 48, 112 Reykjavík, kt.
240746-2209, félagi nr. 76 í Félagi leiðsögumanna.
Gerir kunnugt,
að
hann þurfi að höfða mál á hendur Félagi leiðsögumanna, kt.
510772-0249, Mörkinni 6, 108 Reykjavík, til slita núverandi
stéttarfélags og endurstofnunar fagfélagsins Félag
leiðsögumanna, eða boðun löglegs aðalfundar strax eftir
uppkvaðningu dóms eftir atvikum. Stefnandi þarf í beinum
tengslum við þetta mál að höfða mál gegn tilgreindum,
núverandi og fyrrverandi formönnum og stjórnarmönnum, sem
með aðgerðum sínum og/eða aðgerðarleysi hafa leitt til
núverandi stöðu félagsins (sjá fylgiskjal stefnu með lista
og tilefni stefnu í hverju tilviki).
Málflutningsumboð:
Stefnandi sjálfur, Friðrik Haraldsson.
Dómkröfur:
Stefnandi gerir eftirfarandi dómkröfur: Að stefnda, Félagi
leiðsögumanna,verði gert að boða strax til slitafundar
stéttarfélagsins Félags leiðsögumanna og stofnfundar
fagfélags Félags leiðsögumanna. Varakrafa er, að
stefnda verði gert að boða strax til löglegs aðalfundar
Félags leiðsögumanna. Að stefndu, tilgreindum fyrrverandi
og núverandi formönnum og stjórnarmönnum, verði gert að
greiða skaðabætur til félagsins að mati dómsins. Öllum
stefndu verði einnig gert að greiða stefnanda
stefnubirtingar og þingfestingu ásamt dráttarvöxtum frá
stefnudegi til greiðsludags skv. III. kafla laga um vexti og
verðtryggingu nr. 38/2001. Að auki er krafizt útlagðs máls-
og ferðakostnaðar samkvæmt síðar framlögðum reikningum
og/eða að álitum dómsins í samræmi við XXI kafla laga nr.
91/1991 um meðferð einkamála, sem beri vexti samkvæmt
framangreindum lagaákvæðum.
Málavextir og málsástæður:
Stefnandi gerðist félagi í Félagi leiðsögumanna árið 1978 og
hefur verið félagi samfleytt síðan. Lög félagsins voru og
eru samningur milli heildarinnar og einstakra félagsmanna.
Lögunum má breyta í samræmi við réttar reglur á aðalfundum
félagsins.
Fyrstu alvarlegu vanhöldin á stjórnsýslu og
lagabreytingum urðu á aðalfundi félagsins árið 2005, þegar
félaginu var breytt úr fagfélagi (aðgangur skilyrtur;
ákveðinnar menntunar krafizt) í stéttarfélag (öllum opið).
Þessi breyting var í eðli sínu langt umfram eðlilegar
lagabreytingar og þýddi í raun slit fagfélags og stofnun
stéttarfélags án slitafundar hins fyrrnefnda og stofnfundar
hins síðarnefnda (sjá lög félagsins 2004 og 2005).
Önnur alvarlegu vanhöldin á boðaðri dagskrá og
lagabreytingum urðu á aðalfundi félagsins árið 2010, þegar
stjórn þess lét þess ekki getið í fundarboði, að laganefnd,
sem var kjörin á aðalfundi 2009, mundi skila niðurstöðu
sinni. Stjórninni var ítrekað bent á þessi mistök fyrir
aðalfundinn, en hún lét ekki segjast (sjá afrit netpósta).
Rökstudd dagskrártillaga um slit þessa fundar og boðun
löglegs aðalfundar var felld.
Þriðju alvarlegu vanhöldin á boðaðri dagskrá og
lagabreytingum urðu á aðalfundi félagsins árið 2011, þegar
stjórn þess lét þess ekki getið í fundarboði, að laganefnd,
sem var kjörin á aðalfundi 2009, mundi skila niðurstöðu
sinni og í kjölfar ólöglegs aðalfundar árið 2010 yrði efnt
til kosninga í öll embætti félagsins. Þá voru aðeins tveir
réttkjörnir í stjórn félagsins og þeim var ítrekað bent á
þessi mistök fyrir aðalfundinn, en þeir létu ekki segjast
(sjá afrit netpósta). Rökstudd dagskrártillaga um slit
þessa fundar og boðun löglegs aðalfundar var felld.
Framangreind vanhöld eru skýlaus brot á lögum um slit og
stofnun félaga og lögum Félags leiðsögumanna í gegnum tíðina
hvað varðar hlutverk formanns og stjórnar, dagskrá
aðalfunda, breytingar á lögum félagsins og tilefni til
allsherjarakvæðagreiðslna (númer greina mismunandi eftir
árum).
Lagarök:
Stefnandi byggir kröfur sínar á lögum um stéttarfélög og
vinnudeilur 80/1938 með stoð í öllum greinum þeirra, sem
varða innviði stéttarfélaga og lögum Félags leiðsögumanna
2004, 2005, 2006, 2007 og 2008, 2009, 2010 og 2011.
Um gjalddaga kröfunnar vísast til meginreglu
samningsréttarins um, að samninga og aðra löggerninga skuli
halda/efna sbr. lög nr. 7/1936 um samningsgerð, umboð og
ógilda löggerninga. Krafa um vexti og dráttarvexti skv. III
kafla laga um vexti og verðtryggingu nr. 38/2001. Krafa um
málskostnað er gerð í samræmi við XXI kafla laga nr. 91/1991
um meðferð einkamála.
Framlögð skjöl og skýrslur:
Við þingfestingu mun stefnandi leggja fram afrit af stefnu,
stefnubirtingarvottorð og reikning vegna stefnubirtinga. Að
öðru leyti vísast til vefsíðu
http://www.icelandonline.is/Guides/zgrein1_050506.htm og
framlagðra netpósta, sem vísað er til í málavöxtum og
málsástæðum.
Lokaviðvörun var send 27. apríl 2011 sem áskorun og beiðni
til Félags leiðsögumanna um birtingu á þessari stefnu og
tilefnis hennar í netblaði félagsins.
Áskilnaður er um framlagningu frekari gagna gefi
málatilbúnaður og andmæli stefndu tilefni til.
sem og að leiða
vitni fyrir dóminn.
Fyrirkall:
Fyrir því stefnist hér með Félagi leiðsögumanna, kt.
510772-0249, Mörkinni 6, 108 Reykjavík, og eftirtöldum,
fyrrverandi og núverandi formönnum og stjórnarmönnum (sjá
meðfylgjandi lista og tilefni stefnu) til þess að mæta fyrir
sína hönd á dómþing Héraðsdóms Reykjavíkur, sem háð verður í
dómshúsinu við Lækjartorg, 101 Reykjavík, hinn 10.? maí 2011
kl. 14:00, er mál þetta verður þingfest, til þess þar og þá,
ef ekki verður sátt í málinu, að sjá skilríki í dóm lögð á
dómkröfur og sókn sakar að hlýða, til saka að svara, á
réttarkröfur hlýða og leggja fram gögn af sinni hálfu. Ef
ekki verður mætt af hálfu stefndu við þingfestingu málsins
má búast við að útivistardómur gangi í málinu.
Stefnufrestur er 7 sólarhringar.
Reykjavík 1. maí 2011.
Friðrik Haraldsson
|
„Því hefur verið haldið fram, að íslendingar beygi sig
lítt fyrir skynsamlegum rökum, fjármunarökum varla heldur, og þó enn
síður fyrir rökum trúarinnar, en leysi vandræði sín með þvi að stunda
orðheingilshátt og deila um titlíngaskít, sem ekki kemur málinu við;
en verði skelfingu lostnir og setji hljóða hvenær sem komið er að
kjarna máls.”
Halldór
Laxness í Innansveitarkróníku. |
|
ELDRI
PISTLAR |
|
.
Félag leiðsögumanna
Félag leiðsögumanna á vefsetrinu nat.is
Leiðsögumaður
(tourist guide) -
fararstjóri (tour manager)
Ferðaheimur
Lög FFL 2007
Tillaga til
lagabreytinga 2009
Tillaga að
reglugerð allsherjarakv.gr. |
