|
 Reykjavík
25. janúar 2009
Enn á ný er aðalfundur hinnar litskrúðugu stéttar
leiðsögumanna ferðamanna í augsýn, líkast til í lok næsta
mánaðar.
Enn á ný gefst okkur tækifæri til að bæta úr öllu, sem hefur
farið úrskeiðis í áranna rás.
Mun æðsta stofnun félagsins láta allt reka á reiðum áfram
eða sýna manndóm, siðferðisþrek, framsýn og framtak til að
sópa spillingunni út og hleypa lýðræðinu inn?
Er úrbóta þörf?
1. Við þurfum nýja formenn, atvinnumenn með gott
siðferðisþrek og hugsjónir.
2. Við þurfum að losna við Jens Rumini og Marion
Lerner úr stjórn félagsins.
3. Við þrufum að losna úr heljargreipum ASÍ.
4. Við þurfum að tryggja, að Leiðsöguskóli Íslands
verði ekki að undirmálsskóla.
5. Við þurfum að tryggja Leiðsöguskólanum
viðurkenningu á háskólastigi.
6. Við þurfum að segja upp kjarasamningum okkar við
allrafyrsta tækifæri.
7. Við þurfum að endurreisa ímynd okkar út á við.
8. Við þurfum að fara að vinna með öðrum í
ferðaþjónustunni sem félag.
9. Við þurfum að tryggja, að stjórnir félagsins fari
að lands- og félagslögum.
Margt annað mætti tína til og listinn lengist vafalaust áður
en við setjumst niður á aðalfundinum. Við brenndum
okkur á tómstundagenginu, sem skilaði af sér meingölluðum
kjarasamningum í síðustu lotu, eins og reyndar allar götur
frá árinu 2000. Þar er líka úrbóta þörf.
Núverandi stjórn félagsins ætlar ekki að sýna þann manndóm
að segja upp kjarasamningum okkar áður en frestur rennur út
1. febrúar 2009. Hún sefur á verðinum og heldur að ASÍ
beri hag okkar fyrir brjósti. Hún nennir ekki að átta
sig á því, að holubúunum og pappírstígrisdýrunum þar er
skítsama um okkur. Þar á bæ er fólk búnið að koma sér vel
fyrir í hlýjum hreiðrum, hugsar aðeins um eigið skinn og
lætur okkur borga brúsann. Lög ASÍ er hvílíkur klafi
fyrir aðildarfélög, að ólýðræðislegra kerfi er
vandfundið.
Þessar eru afleiðingar gerða þinna eða aðgerðarleysis,
félagi góður. Mundu það!
Undirritaður skorar á formann og varaformann Félags
leiðsögumanna að segja strax af sér. |
