|
 Reykjavík
27. apríl 2008.
Hér á eftir fara netpóstviðskipti Félags leiðsögumanna og
undirritaðs vegna spurninga, sem hann sendi stjórninni 2.
apríl síðstliðinn.
From: Fridrik Haraldsson
[mailto:info@nat.is]
Sent: 2. apríl 2008 21:49
To: Félag leiðsögumanna
Cc:
valsson@centrum.is
Subject: Spurningar til stjórnar.
Heil og sæl Hafdís,
Vinsamlegast komdu eftirfarandi erindi til stjórnar
félagsins við fyrsta tækifæri:
Eftirfarandi óskast tekið fyrir á næsta löglega
stjórnarfundi Félags leiðsögumanna:
Síðasta málsgrein 15. gr. félagslaga hljóðar svona: „Ritari
ber ábyrgð á birtingu fundargerða félags- og stjórnarfunda á
vefsíðum félagsins innan 10 daga frá hverjum fundi.”
Komst stjórnarfundur að niðurstöðu um að túlka þessi orð
þannig, að dagskrá hvers fundar sé fullnægjandi birting?
Hvenær birtast úrdrættir fundargerða?
Þrátt fyrir vandlegan yfirlestur, fann ég ekki dagskrárlið
stjórnarfundar á fyrri hluta síðasta árs (2007), sem gefur
vísbendingu um lýðræðislega ákvörðun löglegs fundar um að
efna til lögsóknar á hendur mér vegna merkis félagsins.
Hvaða stjórnarfundur tók þessa ákvörðun og hverjir sátu hann?
Undirritaður biður stjórn um að endurskoða neikvætt svar við
beiðni um aðgang að fundargerðum áranna 2003, 2004 og 2005 (fram
að aðalfundi). Félagar eiga ótvíræðan rétt til að kynna sér,
hvort eðlilega og löglega var staðið að gjörbreytingu
félagsins.
Hefur skrifstofustjóra félagsins verið tilkynnt, að greinar
2.4.1.og 2.5.2. í samningum SA og Fl beri ekki að túlka
þannig, að álagsgreiðsla vegna ökuleiðsögu hafi hækkað í 55%
hinn 1. janúar 2007?
Hvenær ætlar stjórn félagsins að reyna á ný og í alvöru að
fá skólastjóra Ferðamálaskóla Íslands í Bíldshöfðanum til að
afla honum viðurkenningar menntamálaráðs?
Gerir stjórnin sér grein fyrir því, hve mikilvægt
réttlætismál þetta er?
Það verður ekki flóarfriður í félaginu á meðan ástandið er
óbreytt.
Skrifleg svör óskast. Tölvupóstur ákjósanlegur.
Beztu kveðjur,
Friðrik Haraldsson #76.
Cc. til ritnefndar.
From:
Félag leiðsögumanna
----- Original Message -----
To:
info@nat.is
Cc:
ragnheib@raunvis.hi.is ;
gudrun@in.is
Sent: Friday, April 25, 2008 12:39 PM
Subject: Svar stjórnar Fl.
Stjórn Félags leiðsögumanna telur fullnæjandi að birta á
netinu dagskrá stjórnarfunda og ákvarðanir sem teknar eru á
stjórnarfundum, munum stjórnin sjá til þess fyrir árið 2008.
Ef einhver hefur áhuga á að vita frekar um einstaka
dagskrárliði eru þeir beðnir að senda fyrispurn til
skrifstofu F.L.
Stjórnin hefur ákveðið að veita þér umbeðin aðgang að þeim
fundargerðabókum sem þú óskar eftir með sömu fyrirvörum og
getið er um í tölvupósti til þín 14. mars 2008. Samkvæmt
ráðleggingum lögfræðings eiga tveir stjórnarmenn að vera
viðstaddir. Vinsamlega láttu vita tímalega hvenær þér hentar
að koma.
Sú ákvörðun stjórnar að vísa merkjamálinu til lögfræðings
var tekin á stjórnarfundi þann 6. febrúar 2007, var sú
ákvörðun rædd utandagskrár. Eftirtaldir voru mættir á
þessum fundi Guðrún, Ragnheiður, Kent Lárus, Jens, Karl,
Hörður, Pétur Gauti og Þórhildur.
Ragnheiður og Pétur Gauti vildu ræða við þig um merkið og
fleira þegar þú varst boðaður til fundar í Matstofu
vesturbæjar en þú neitaðir að mæta þar. Þau töldu að á þeim
tímapunkti hafi þeim ekki verið annað fært en senda málið
til lögfræðings. Stjórnin var öll með í ráðum um þessa
aðgerð.
Skrifstofustjóranum hefur ekki verið tilkynnt hvernig á að
túlka samningana heldur reynir hún að svara eftir bestu getu.
Hún veit jafnframt í dag að ökuleiðsögn og álagsgreiðslur
eru ekki það sama.
Stjórnin heldur áfram að sinna menntamálum af bestu getu og
hafa áhrif á alla skóla, leiðsögumönnum til framdráttar.
Það ætti að vera skólastjóra Höfðaskólans metnaðarmál að
fara eftir námsskrá menntamálaráðuneytisins en ekki bara að
styðjast við hana.
Sent að beiðni stjórnar.
Kveðja,
Hafdís Jónsteinsdóttir, skrifstofustjóri
Svar til stjórnar 27. apríl 2008:
Sæl Hafdís,
Verst, að þú skulir vera hér á milli steins og sleggju, en
stjórnin leggur þér þessar byrðar á herðar. Vinsamlegast
skilaður eftirfarandi til hennar frá mér:
1. Skömm ykkar verður því meiri, sem þið þrjózkizt lengur
við að birta ágrip af ákvörðunum ykkar á stjórnarfundum og
ágrip félagsfunda, sem virðast verða æ færri. Slík þróun
ber vott um einræðistilburði í félagi, sem á að heita
lýðræðislegt.
Ég get svo sem beðið Magnús Norðdahl hjá ASÍ að útskýra
fyrir ykkur 15. grein félagslaga okkar. (http://www.icelandonline.is/Guides/zgrein310308.htm)
Spurningunni er ósvarað: Hvenær munu ágrip fundargerða
birtast á heimasíðu félagsins?
2. Ég þigg þennan aðgang og læt ykkur vita, þegar mér
hentar bezt.
3. Ljóst er af orðunum hér að ofan, að þið ætlið ekki að
feta götur sannleikans, þótt netpóstur milli formanna
félagsins og mín skýri nákvæmlega, að hann eigi ekki við um
merki félagsins og ákvörðunina um lögsókn. Skúli Möller
staðfestir þetta í netpósti. Mér þykir fyrir því, að
formenn félagsins hafi beitt ósannindum til að fá nefnda
stjórnarmenn til að samþykkja óþörf fjárútlát félagsins til
að veitast að mér að ástæðulausu gegnum lögfræðing.
Vinsamlegast skoðið þessa netpósta, ef eitthvað er að
vefjast fyrir ykkur í þessu sambandi: http://www.icelandonline.is/Guides/zgrein290208.htm og
http://www.icelandonline.is/Guides/tolvupostur16_180207.htm.
Það er engin skömm að viðurkenna mistök og það er aldrei of
seint.
Hvenær má vænta réttrar frásagnar stjórnar varðandi þetta
mál?
4. Hafdís er örugglega skynsöm og dugleg kona. Hún kemur
mér þannig fyrir sjónir og svo er hún alltaf í góðu skapi.
Mér finnst samt ástæða til að stjórnin fari að lögum
félagsins og annist eftirlitshlutverk sitt með skrifstofu
félagsins.
Ætlar stjórn félagsins að fara að lögum og reyna að tryggja,
að upplýsingar til félagsmanna verði eins réttar og kostur
er hverju sinni?
5. Stjórnin heldur ekki áfram að sinna menntamálum okkar af
beztu getu fyrr en hún hefur gengið endanlega úr skugga um,
hvort Friðjón í Ferðamálaskóla Íslands hyggst eða hyggst
ekki afla leiðsöguskóla sínum viðurkenningar menntamálaráðs.
Málið er ekki flóknara en það. Þið eigið að kanna þetta
niður í kjölinn, en ekki sífellt að vera að benda á fólk út
í bæ. Friðrik á að
gera
þetta..... Friðjón á að
gera
þetta......
Einhverjir kusu ykkur og þið buðuð ykkur fram til að sinna
svona verkum.
Er verið að vinna að þessu máli? Sé svo, hver er staðan?
Sé svo ekki, hvers vegna?
6. Stjórn félagsins tilkynnir í netfréttum hinn 2. apríl
2008 um viðræður við EHÍ í tengslum við flutning
leiðsögunámsins á háskólastig. Að sögn Jóhönnu Rútsdóttur,
verkefnastjóra, og Kristínar Jónsdóttur, forstöðumanns EHÍ,
er frumkvæðið að öllu leyti EHÍ-megin. Þið áttuð sem betur
fer ekki aðild að þessari þróun. Verið þið þakklát fyrir,
því ykkur verður þá ekki kennt að öllu leyti um aukið
eldsneyti á ófriðarbálið í félaginu. Þið hefður þó getað
reynt að veita eitthvert viðnám og reynt að fyrirbyggja, að
einn skóli í viðbót fer að framleiða leiðsögumenn á eigin
forsendum. Þeir verða þriðja deildin í félaginu. Hafið þið
hugleitt það?
Þið eruð ekki búin að standa við að fá leiðsögunámið flutt á
háskólastig fyrr en Leiðsöguskóli Íslands fær viðurkenningu
sem skóli á háskólastigi með a.m.k. 60 eininga námskrá. Það
stendur í lögum félagsins!
Sólveig, fagstjóri Leiðsöguskóla Íslands, sagði, að Margrét,
skólástjóri MK, væri orðin hlynnt hugmyndinni um
viðurkenningu háskólastigs Leiðsöguskólans.
Er verið að vinna í þessu máli? Sé svo, hver er staðan?
Sé svo ekki, hvers vegna?
7. Ég er farinn að ljúka pistlum mínum á heimasíðu minni
með því að skora á formann og varaformann Félags
leiðsögumanna að segja af sér strax og einkunnarorðunum: „Þessar
eru afleiðingar gerða þinna eða aðgerðarleysis, félagi góður.
Mundu það!”
Mér gæti ekki verið meiri alvara!
Svara við ósvöruðum spurningum vænzt við allrafyrsta
tækifæri!
Undirritaður krefst undanbragðalausra svara frá næsta löglegum
stjórnarfundi með nöfnum stjórnarmanna, sem sitja hann.
Beztu kveðjur,
Friðrik Haraldsson.
Cc til ritstjórnar, ASÍ og Skúla Möller.
Þessar eru afleiðingar gerða þinna eða aðgerðarleysis,
félagi góður. Mundu það!
Undirritaður skorar á formann og varaformann Félags
leiðsögumanna að segja strax af sér.
Friðrik Haraldsson |
