|
 Reykjavík
29. febrúar 2008.
Aðalfundur Félags leiðsögumanna sýndi svo ekki verður um
villzt, að metnaðar- og áhugaleysi ræður för í þessum larfi
af fyrrum ágætum samtökum.
Ragnheiður Björnsdóttir, formaður, las upp skýrslu
stjórnar fyrir liðið ár og var fljót, því innihaldið var
loftið eitt.
Undirritaður gerði vitaskuld miklar og alvarlegar
athugasemdir við þennan lestur, því stjórnin hefur leynt
okkur öllum upplýsingum um störf sín, ef einhver eru, og
komizt upp með það.
Vefsetri félagsins hefur ekki
verið
sinnt
síðan 2006 að hluta og 2007 að hluta. Upplýsingar
þar, s.s. um námskeið, söfn, fjölda félaga o.fl. hafa ekki
verið uppfærðar og fagdeildarsíður eru enn þá í gangi.
Lögum samkvæmt ber stjórn (ritara) að birta fundargerðir
stjórnar- og félagsfunda innan 10 daga frá hverjum fundi á
vefsetri félagsins eða á annan hátt. Síðasta innfærsla
stjórnarfundar á vefsetrið var 27. jaúar 2007, þegar það var
skoðað í dag.
Fyrri stjórnir félagsins hafa lagt mismikið á sig til að
koma upplýsingum um framgang starfa sinna til okkar
félaganna, en síðasta og núverandi stjórn heldur, að Félag
leiðsögumanna sé leynifélag, sem hún eigi með húð og hári
og þurfi ekki að standa reikningsskil gerða sinna.
Ragnheiður Björnsdóttir, formaður, klifar á því, að
Friðrik Haraldsson hafi stolið merki félagsins og neitað að
koma á fund með henni og varaformanninum, Pétri Gauti, til
að ræða endurheimt þess. Af þeim sökum sagði hún að
Félag leiðsögumanna hafi ekki átt annars kost en að leita
til lögfræðinga til að það mætti gerast.
Þetta
frumhlaup - þessi heimska og taugaveiklun kostaði félagið kr. 63.495.- árið 2007
(sjá ársreikning).
Hér má sjá þessa
stuttorðu netpósta 16. og 18. febrúar 2007.
Takið eftir tilgreindu tilefni fundarins, sem er ekki
félagsmerkið, heldur „ASÍ - vegna fréttar á vefsíðu” (sjá
frétt 10. febrúar á vefsíðu félagsins).
Sannleikurinn er sá, að Ragnheiður og varaformaðurinn sendu
undirrituðum fundarboð með netpósti
án þess að geta rétts fundarefnis. Þau ætluðu
sem sagt að fá hann á fund á fölskum forsendum. Ekki er gæfulegt að
fara á blint stefnumót við svona lygapakk,
auðnuleysingja og lögbrjóta.
Hér má sjá netpóstviðskipti
við Skúla Möller í tengslum við framsal félagsmerkisins.
Stjórn félagsins hefur ekki sinnt mörgum áríðandi málum,
sem skipta félagið miklu. Sem dæmi má nefna
umsagnarrétt um ESB-lög og reglur (þjónustutilskipun í
janúar 2007).
Undirritaður gerði það í nafni Fagfélags leiðsögumanna.
Samþykkt framhaldsaðalfundar 23. apríl 2007 um að boða
til félagsfundar um allsherjaratkvæðagreiðslu vegna aðildar að ASÍ var hunzuð.
Boða hefði átt til þessa fundar innan tveggja vikna frá þessari
samþykkt, en stjórnin fór ekki að lögum félagsins eina
ferðina enn þá og ekki var hægt að mjaka henni til að halda
þennan fund fyrr en seint í nóvember 2007.
Stjórn félagsins þumbaðist við að senda ASÍ lög
félagsins til staðfestingar þar til í október 2007 og fékk
staðfestingu þeirra í byrjun desember. Hún átti að láta
félaga vita í tæka tíð fyrir eindaga tillagna um
lagabreytingar hinn 20. desember 2007. Það var ekki
gert.
Fast árgjald 2008 var tilkynnt og sett í innheimtu í
tölvubönkum margra félaga með 190.- kr. innheimtugjaldi.
Það er dagsljóst og margtuggið, að svona aukagjöld eru
ólögleg og þessi sauðheimska stjórn ætti að minnsta kosti að
reyna að fara að landslögum, þótt hún kunni ekki að fara að
lögum eigin félags.
Urgurinn og óánægjan í öllum hornum og kimum Félags
leiðsögumanna er orðin slík, að fátt annað komst að á
spjallsíðum félagsins. Áhugalausir og dofnir
félagsmenn, sem halda, að þeir séu í saumaklúbbi, kvörtuðu
hástöfum yfir þrasi og karpi þar og loks hættu
umbótasinnaðir félagsmenn að nenna að tjá sig, enda var talað fyrir
daufum eyrum. Spjallsíðurnar eru því með öllu ónýtar
og ónýttar. Þær verða ekki notaðar aftur í
umbótatilgangi. Umræðan verðu að óbreyttu færð yfir í
almenna fjölmiðla, dagblöð og ljósvakamiðla. Gaman það!
Stjórn félagsins komst að þeirri furðulegu niðurstöðu, að
greinar 2.4.1. og 2.5.2. í samningum okkar við
vinnuveitendur væru náskyldar og fól skrifstofustjórna
félagsins, að tilkynna okkur, að frá og með 1. janúar 2007
ætti að leggja 55% álagsgreiðslu á laun ökuleiðsögumanna.
Þetta er þvílíkt rugl, að ekki tekur tali, en skiljanlegt,
þegar vanhæf stjórn félagsins er annars vegar.
Fráfarandi og núverandi stjórn félagsins var og er með allt niðri
um sig og allt, sem hún hefur fram að færa er lygar og
þvættingur um einhver sýndarafrek og sýndarveruleika. Allt hefur rekið á reiðanum. Áhuga-, getu- og
máttleysið hefur verið algert.
Þetta fólk er ekki í sama heimi og við hin og
meirihluti kjósenda á aðalfundi er meðvirkur.
Það er skömm að því að vera í sama félagi og svona fólk.
Gjaldkeri
félagsins, Jens Rumini, stakk upp á því, að fast
félagsgjald yrði hækkað um 25%, úr kr. 4.000.- í 5.000.-.
Hann hafði orð á því, að ekki væri hægt að loka verðbólguna
úti. Undirritaður stakk upp á óbreyttu gjaldi, því
ekki væri ástæða til að treysta stjórninni fyrir meira fé,
sem hún sóaði í eintóma vitleysu eins og málshöfðun gegn eigin félögum. Það var ekki hlustað
á það fremur en annað.
Engir
buðu sig
fram gegn sitjandi stjórn á aðalfundinum. Því er
ljóst, að þeir/þær, sem aðalfundinn sátu, eru að meirihluta
undirmálsfólk, sem hefur fengið að ráða í félaginu allt of
lengi, m.a. vegna áhugaleysisi alvöruleiðsögumanna.
Þetta fólk á allt, sem miður mun fara næstu tvö árin í
félaginu, margfaldlega skilið.
Á Alþingi Íslendinga árið 1000 mælti Þorgeir
Ljósvetningagoði: „Það mun verða satt, er vér slítum
sundur lögin, að vér munum slíta og friðinn.”
Ragnheiður Björnsdóttir var varaformaður í stjórninni, sem sleit
sundur lögin og friðinn í Félagi leiðsögumanna árið 2005.
Hún var kosinn rússneskri kosningu sem formaður núna á
aðalfundinum 29. febrúar 2008! Það er því augljóst, að
hún þrífst á úlfúð og óreiðu eins og fjóspúkinn og á
sér jábræður og systur í félaginu.
Við skulum
vona, að henni takist ætlunarverk sitt svo vel, að nógu
mörgum ofbjóði framgangan og biðji hana vinsamlegast að
segja af sér, líkt og fyrri formaður varð góðfúslega við.
Undirritaður skorar á hana að segja af sér strax.
Tvískipt félagatal fyrir leiðsögumenn?
Svona byrjaði frétt í veffréttablaði
leiðsögumanna hinn 15.02.08.
Hvað á
fulltrúi stjórnar Félags leiðsögumanna, sem er vitnað í,
við með fullyrðingunni, að mismunun felist líka í því að
heimila öllum leiðsögumönnum að fá nöfn sín skráð í
félagatalið? Á hann/hún við, að aðrir en MK-leiðsögumenn
séu leiðsögumenn líka?
Líklega segir sami fulltrúi, að leiðsögupróf úr öðrum
skólum en MK sé metið skör lægra, vegna þess, að
menntamálaráðuneytið viðurkenni þá ekki. Þá verður
manni spurn: Hverjir meta þau lægra? Við sjálf,
vinnuveitendur, múrarar, smiðir, læknar? Hverjir?
Stjórn Félags leiðsögumanna ákvað að kanna kostnað við
gerð annars lista. Þá er enn þá spurt: Er það
ekki mismunun að draga fólk í dilka í sama félagi?
Svo gerir stjórnin Friðjón Sæmundsson, skólastjóra
Ferðamálaskólans, að blóraböggli í þessu máli, og segir hann
hafa þarna verðugt verkefni að leysa. Svona snýr
stjórnin út úr öllu, sem hún ætti að leysa fyrir okkar hönd.
Ragnheiður benti m.a. á það á aðalfundinum 28.02.08, að
Friðriki Haraldssyni væri nú nær að tala þennan skólastjóra
til, en að vera stöðugt að skamma stjórn félagsins fyrir að
standa sig ekki í stykkinu. Haldið þið virkilega, að
skólameistarinn liggi í tölvunni alla daga til að leita að „gullkornum”,
sem hafa hrotið af borði „gáfnaljósanna” í
stjórn Félags leiðsögumanna?
Svo var rætt um gamlan draum, að komið yrði á fót
stöðuprófum fyrir leiðsögumenn í Leiðsöguskóla Íslands.
Spurning: Hefur stjórn félagsins reynt að stuðla að því, að
leiðsögumenn frá Ferðamálaskólanum fái að taka stöðupróf þar, ef þeir
óska? Ég held ekki. Hún hefur alið á úlfúð og
óánægju meðal félagsmanna með þessu aðgerðarleysi.
Svei henni!
Þessar eru afleiðingar gerða þinna eða aðgerðarleysis,
félagi góður. Mundu það!
Undirritaður skorar á formann og varaformann Félags
leiðsögumanna að segja strax af sér.
Friðrik Haraldsson #76 |
