Landið er stór háslétta, sem hallar lítillega til suðurs.  Rauðleitur, járnlitaður berggrunnurinn undir kristölluðu yfirborðinu er víða djúpt veðraður af aðalánum, Svörtu- og Hvítu Volta, sem sameinast og mynda Voltafljótið í suðausturhluta landsins.  Áin Oti, ein þverá Voltafljótsins, á upptök sín í suðausturhlutanum.  Í suðvesturhlutanum eru sandsteinssléttur, sem markast af Banfora-jaðrinum, sem er allt að 160 m hár og hefur na-sv stefnu.  Víðast er þurrviðrasamt og jarðvegurinn ófrjósamur.  Árnar eru háðar verulegum árstíðasveiflum og sumar þorna algerlenga á aðalþurrkatímanum.