Madagaskar er ríki fyrir ströndum Suðaustur-Afríku, 587.041 km² að flatarmáli.  Þessi fjórða stærsta eyja heims (Grænland, Nýja Gínea og Borneo eru stærri) er í Indlandshafi suðvestanverðu.  Milli hennar og meginlands Afríku er Mózambíksund, u.þ.b. 400 km breitt.  Þrátt fyrir nálægð meginlandsins, eru flestir íbúarnir af indónesískum stofnum.  Þeir líta ekki á sig sem Afríkumenn, sem hafa að mestu þróað tengsl sín við frönskumælandi lönd í Vestur-Afríku vegna fyrri og núverandi tengsla við Frakkland.  Opinber tungumál eyjaskeggja eru franska og malagazy.