Rwanda er landlukt ríki sunnan miðbaugs í austanverðri Mið-Afríku, 26.338 km² að flatarmáli.  Vestan þess er Kongó (Kinshasa) og Kivuvatn, í norðri er Úganda, í austri er Tanzanía og í suðri er Búrúndí.  Höfuðborgin er Kigali. Þetta litla land er mjög þéttbýlt og fátækt er gífurleg.  Það deilir sögu og örlögum með Búrúndí, því bæði löndin voru konungsdæmi á öldum áður.

Konungsríkið í Búrúndí leið undir lok vegna uppreisnar hutumanna, sem eru í miklum meirihluta í landinu, áður en landið fékk sjálfstæði en í Rwanda gerðu bændur uppreisn.