Bútan er í Suður-Asíu,
í suðausturhluta Himalajafjalla. Nágrannaríkin
eru Indland og Kínverska alþýðulýðveldið (Tíbet).
Heildarflatarmál er 47.000 km².
Náttúrufar:
Landið er hálent og skiptist í fjögur aðalsvæði:
Duar-héraðið í suður-hlutanum er áglendi, sem hækkar
upp í 1500 m. Inni í landi
eru útverðir Himalajafjalla (2000-5000 m) með breiðum dölum
(1500-2800 m), sem liggja frá norðri til suðurs. Nyrzt er jöklasvæði Himalajafjalla með tindum, sem ná
yfir 7500 m hæð yfir sjó.
Loftslag:
Loftslagið fer eftir hæð og legu landsins yfir sjó.
Í suðurhlutanum er það jaðartrópískt með monsúnáhrifum.
Í Mið-Bútan er það temprað og svalt og í norðurhlutanum
er ekta hálendisloftslag. Aðalúrkoman
fellur á sumrin.
Íbúar:
Flestir íbúanna eru Bútanar (60%; Bhotia og Lhopa) og
Nepalar (25%). Shartshop, Leptsha
og Indverjar eru í minnihluta. Heildaríbúafjöldi
er u.þ.b. 1,4 milljónir og fjölgun á ári nálægt 2,2%.
Lífslíkur eru u.þ.b. 44 ár.
Ólæsi er 90%. Vinnuaflið er um 650.000 og rúmlega 90% þess er
bundið í landbúnaði.
Trúarbrögð:
Búddatrúar eru 75% og hindúar
25%.
Tungumál:
Dsongha er opinbert tungumál Bútan.
Minnihlutahópar tala bumthangha, shartshopkha og nepölsku.
Enska breiðist stöðugt út.
Landið
er sjálfstætt konungsríki. Árið
1949 var gerður vináttusáttmáli við Indverja, sem hafa áhrif á
utanríkismál landsins. Landið
er stjórnarskrárbundið konungsríki, sem gengur í erfðir. Stjórnarformið byggist á þjóðþingi (löggjöf), ríkisstjórn
og konungsráði (framkvæmdavald). Konungurinn
er þjóðhöfðingi.
Aðild að alþjóðlegum
stofnunum: S.þ. og ýmsar sérstofnanir
þeirra, Colomboáætlunin og SARC. Landinu
er skipt í 18 héruð, sem hvert um sig hefur landstjóra.
Höfuðborgin er Thimphu
(Thimbu; 20þ. íb.) og Phuntsholing (20þ.). |