Empire er lítill bær á vesturströnd Michiganvatns, norðan náttúruverndarsvæðisins Sleeping Bear Dunes National Lakeshores.

Flint er allstór borg, þar sem General Motors smíðar buick, chevrolet o.fl. teg. bíla og rekur eigin skóla fyrir verkfræðinga.  Í Flintsafninu og menningarmiðstöðinni er listasafn, stjörnuathugunarstöð og bílasafn.  Genesee afþreyingarsvæðið er vinsæll heilsubótarstaður.

Frankenmuth er þorp, sem þýzkir landnemar stofnuðu árið 1845.

Grand Rapids er stór iðnaðarborg (aðallega húsgögn) þar sem var fyrrum verzlunarstaður indíána við Grandána.  Þar eru menntaskólar og lista- og húsgagnasafn.  Calder-Stabile „La Grande Vitesse”.

Grayling er vinsæll ferðamannastaður sumar og vetur.  Bátsferðir, kanómaraþon, reiðtúrar og skíðasvæði.

Hancock er lítill bær lengst í norðvesturhluta fylkisins með gömlum koparnámum, sem eru til sýnis.

Holland er lítil borg, sem hollenzkir landnemar stofnuðu árið 1847.  Hollenzka safnið, Vindmyllueyja, útisafn (1½ km austan borgarinnar) og tréskóverksmiðja.  Túlípanahátíðir á vorin.

Iron Mountain er bær í járnnámuhéraði við landamæri Wisconsin.  Gamlar námur eru til sýnis.

Ironwood er ferðamannabær í norðvestast í fylkinu.  Sumar- og vetrardvalarstaður ferðamanna.

Ishpeming er bær með frægðarhöll skíðaíþróttarinnar og safni.

Mackinaw City er smáþorp við samgönguleiðina milli Michigan- og Huronvatnanna (5865 m löng og 61 m há brú frá 1957).  Michilimackinac-virkið (upprunalega frá 1714; endurbyggt).  Ferja til Mackinaceyjar (5 km löng og skógi vaxin klettaeyja), þar sem er Gamla Mackiac-virkið, indíánahús frá 1838 og safn.  Þar var verzlunarstaður frá 1809.

Marquette er lítil iðnaðar- og hafnarborg við Efravatn á járnnámusvæði.  Háskóli Norður-Michigan (u.þ.b. 9000 stúdentar).  Minnismerki franska trúboðans Père J. Marquette.

Menominee er bær við Grænaflóa.  Falleg smábátahöfn.  Gamalt seglskip, sem náð var í af vatnsbotninum, í Mystery Ship Seaport (Höfn dularfulla skipsins).

Mount Pleasant er bær með háskóla Mið-Michigan.

Muskegon er meðalstór iðnaðarborg á austurströnd Michiganvatns.  Listasasafn og gamall indíánagrafreitur.

Paw Paw er þorp á stóru vínræktarsvæði.

Pontiac er iðnaðarborg.  Pontiac-bílaverksmiðjurnar (GM).

Saginaw er iðnaðar- og landbúnaðarborg.  Lista- og sögusafn.

Sault Ste. Marie er bær, sem var stofnaður við St. Marysána milli Efravatns og Huronvatns árið 1668.  Skipaskurður (skoðunarferðir).  Líkan af gömlu borginni.  Safnskipið Valley Camp.
Tahquamenon Falls fylkisgarðurinn (fossar). 

Traverse City er bær, þar sem haldnar eru kirkjuhátíðir.  Skíðastaður.

Ypsilanti er smáborg.  Háskóli Austur-Michigan,.Chevrolet-bílaverksm. (GM).