Myanmar er á mörkum Suður- og Suðaustur-Asíu við austurhluta Bengalflóa.  Nágrannaríki eruBanglades, Indland, Kína, Laos og Tæland.  Heildarflatarmál landsins er 676.552 km², þar af 658.880 km² þurrt land.

Náttúra landsins: Í vestur- og austurhlutum landsins liggja fjallgarðar frá norðri til suðurs.  Hlémegin fjallanna eru monsúnskógar með tekkviði.  Um miðbik landsinsrennur Irawadiáin á láglendi og óshólmasvæðið við Martabanflóann stækkar stöðugt.  Landið teygir sig suður eftir Malakkaskaganum, endar í odda Kraskagans og nær yfir Merguieyjar  fyrir ströndinni.

Loftslag: Hitabeltisloftslag undir áhrifum monsúnsins með mikilli úrkomu á sumrin hlémegin fjalla.  Vetur eru svalari og þurrari.

Íbúarnir: Íbúarnir eru aðallega Búrmanar, en minnihlutahópar kara, shana og annarra þjóðflokka og kínverjar og Indverjar búa þar líka. Heildaríbúafjöldi er u.þ.b. 40 milljónir (60 íb. á km²).  Lífslíkur 54 ár.  Ólæsi u.þ.b. 30%. Vinnuaflið er u.þ.b. 15 milljónir og rúmlega helmingur þess er bundinn í landbúnaði.

Trúarbrögð: Búddatrúar (85%), hindúar, múslimar og kristnir. Tungumál landsmanna er búrmanska.  Erlent mál er enska.  Þar að auki tala minnihlutahópar arakan, shan, kachin, karen, mon, hindi, bengölsku og kínverskar mállýzkur.

Stjórnsýsla: Landið skiptist í sjösjálfstjórnarhéruð og sjö sýslur.
Borgir: Höfuðborgin er Rangún og aðrar stórborgir eru:  Mandalay, Bassein, Pegu, Moulmein og Myingyan.

Efnahagslífið:
Landbúnaðarafurðir:  Hrísgrjón, sykurreyr, jarðhnetur, linsubaunir, hampur o.fl.
Fiskveiðar eru stundaðar í Andamanhafi og Bengalflóa.
Auðæfi í jörðu eru m.a. blý, sink, kopar, tin, volfram, antimon, mangan, jarðolía og eðalsteinar.
Iðaður byggist helzt á framleiðslumatvæla, vefnaðarvara, hráefna til iðnaðar, byggingarefna o.fl.