Jórdanía (Al-Urdun; Hashimít konungsríkið Jórdanía) er ungt ríki á fornfrægu menningarsvæði Miðausturlanda.  Norðan þess er Sýrland, Írak að austan, Sádi-Arabía að suðaustan og sunnan og Ísrael og Vesturbakkinn að vestan (Árið 1988 afsalaði Jórdanía yfirráðum á Vesturbakkanum, sem tilheyrðu landinu 1948-67). Strandlengjan við Aqabaflóa er aðeins 26 km löng og þar er eina hafnarborg landsins, Al-‘Aqabah.  Heildarflatarmál landsins er 88.946 km² sé 380 km² svæði við landamæri Ísrael ekki talið með (samningur um það frá 1994).  Stærsta borg landsins og jafnframt höfuðborg er Amman.