Dóminíka er ein Litlu-Antilleyja (Áveðurseyja).  Þar er lýðveldi í Brezka samveldinu.  Flatarmálið er 751 km².  Höfuðborgin er Roseau.  Tungumálin eru enska, kreólska og franska (patois). Á eyjunni er enginn flugvöllur fyrir stórar farþegaþotur, þannig að flestir, sem þangað eiga erindi, koma um alþjóðaflugvellina á Guadeloupe, Martinique, Antigua, St. Lucia eða Barbados og fljúga síðan með minni flugvélum í áætlunarflugi á leiðarenda (mörg flug á dag).

Skemmtiferðaskip hafa oft viðkomu við Dominica.  Fraktskip, sem flytja að mestu banana eru líka í reglubundnum siglingum.  Þau taka líka farþega á milli Roseau og Vestur-Evrópu.  Einnig er hægt að komast sem farþegi með óreglulegum ferðum fraktskipa til nágrannaeyjanna.