Kamerún er þríhyrningslagað ríki á mörkum Vestur- og Mið-Afríku, 465.458 km² að flatarmáli.  Að því liggja Nígería í norðvestri, Chad í norðaustri, Miðafríkulýðveldið í austri, Kongó (Brazzaville) í suðaustri, Gabon og Miðbaugs-Guinea í suðri og Atlantshafið í suðvestri. Hin fjölbreytta deigla kynþátta og þjóðerna, sem landið byggir, er að mestu í þéttbýli og borgum landsins.  Höfuðborgin er Yaoundé.   Nafn landsins er dregið af „Rio dos Camaroes” (Rækjuá) eins og portúgalskir landkönnuðir nefndu árósa Vouri-árinnar á 15. og 16. öld.

Nafnið Camaroes var einnig notað um fjalllendið í nágrenni árinnar.  Allt fram að lokum 19. aldar notuðu Englendingar nafnið „Cameroons” um fjöllin og Kamerúnána.  Árið 1884 innlimuðu Þjóðverjar þetta svæði í „verndarsvæði” sitt.